ԵՄ-ն 24 մլն եվրո կհատկացնի ՀՀ-ին հիմնականում նոր համաձայնագրի նախապատրաստման համար 6 նոյեմբերի 2015 - 11:26 AMT PanARMENIAN.Net - 2016 թվականին Հայաստանը Եվրամիությունից ընդհանուր առմամբ 37 միլիոն եվրոյի դրամաշնորհ կստանա, որից 24 միլիոն եվրոն նախատեսված է որպես բյուջետային աջակցություն: Այդ մասին նոյեմբերի 5-ին Ազգային ժողովում հայտարարել է ՀՀ ֆինանսների փոխնախարար Պավել Սաֆարյանը Եվրոպական ինտեգրման և ֆինանսավարկային ու բյուջետային մշտական հանձնաժողովների համատեղ նիստում 2016-ի պետբյուջեի քննարկման ժամանակ: Պավել Սաֆարյանը հավելել է, որ կառավարությունը կորոշի, թե ինչպես ծախսել գումարը, 13 միլիոն եվրոն կուղղվեն կոնկրետ ծրագրերի. «13 միլիոն եվրոն նպատակային դրամաշնորհներ են, ի տարբերություն բյուջետային աջակցության դրամաշնորհի, սրանք տրվում են կոնկրետ նպատակներով, այսինքն՝ այլ ուղղությամբ սա հնարավոր չէ օգտագործել»,- պարզաբանել է Սաֆարյանը, հայտնում է «Ազատություն» ռադիոկայանը: Սեպտեմբերին Եվրամիությունը ԵՀ-ին Հայաստանի հետ նոր իրավական բազայի վրա նոր համաձայնագիր կնքելու մանդատ է տրամադրել: Այս շրջանակային փաստաթուղթը կոչված է փոխարինելու Ասոցացման մասին համաձայնագիրը, որը Երևանն ու Բրյուսելը համաձայնեցրել էին, բայց այդպես էլ չստորագրեցին: 2013-ի սեպտեմբերի 3-ին Ռուսաստանի նախագահ Վլադիմիր Պուտինի հետ հանդիպման ավարտին Հայաստանի նախագահ Սերժ Սարգսյանը հայտարարեց Մաքսային միությանը միանալու և հետագայում ԵվրաԱզԷՍ-ի ձևավորմանը մասնակցելու իր ցանկության մասին: Հայաստանի այս որոշումը քննադատության ենթարկվեց եվրոպական կառույցների ու փորձագիտական շրջանակների կողմից, որոնք հայտարարեցին, որ Հայաստանը գործնականում խզեց բանակցությունները Եվրոպայի հետ, ինչն անհնար է դարձնում ԵՄ հետ Ասոցացման համաձայնագրի նախաստորագրումը Վիլնյուսում՝ ԵՄ և Արևելյան գործընկերության ղեկավարների գագաթաժողովում: Ավելի ուշ Երևանն ու Բրյուսելը սկսեցին դիտարկել պակաս հավակնոտ համաձայնագրի շուրջ բանակցելու հնարավորությունը, որը չի հակասի ՀՀ պարտավորություններին ԵՏՄ կազմում: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |