Կոնգրեսական Ռոյսն Ուորլիքի հետ կքննարկի Բաքվի ագրեսիայի դեմ քայլեր ձեռնարկելու հարցը10 դեկտեմբերի 2015 - 15:35 AMT PanARMENIAN.Net - ԱՄՆ-ի Կոնգրեսի Ներկայացուցիչների պալատի Արտաքին հարաբերությունների հանձնաժողովի նախագահ Էդ Ռոյսը պատրաստվում է հատուկ ճեպազրույց կազմակերպել, որի շրջանակում ԵԱՀԿ Մինսկի խմբի ամերիկացի համանախագահ Ջեյմս Ուորլիքի հետ կքննարկի ԼՂ սահմանային գոտում ադրբեջանական ագրեսիայի ընդարձակման, ինչպես նաև բռնությունների կասեցմանն ուղղված կոնկրետ քայլեր ձեռնարկելու հարցերը: Ճեպազույցի ընթացքում անդրադարձ է կատարվելու ավելի վաղ` հոկտեմբերի 26-ին, Ռոյսի, բարձրաստիճան կոնգրեսական Էլիոթ Էնջլի և նրանց 80 այլ գործընկերի կողմից ամերիկացի համանախագահին ուղղված նամակին, որում պաշտոնյաններն առաջարկում են 3 հիմնական քայլ` ԼՂ սահմանային լարվածությունը թուլացնելու և բռնության դեպքերը հնարավորինս կանխելու համար, Asbarez-ին հղումով գրում է Tert.am-ը: Կոնգրեսականների հղած նամակում ԵԱՀԿ Մինսկի խմբին առաջարկվում է համոզել հակամարտող կողմերին դիպուկահարներին հեռացնել սահմանային գոտուց, ավելացնել շփման գծում ԵԱՀԿ ներկայացուցիչների քանակը, ինչպես նաև այնպիսի տեխնիկական համակարգեր տեղադրել, որոնք թույլ կտան ճշգրտորեն պարզել, թե որտեղից է արձակվում կրակը: Ռոյսը նաև հիշեցրել է, որ Հայաստանն ու Ղարաբաղը կողմ են հանդես եկել այդ նախաձեռնություններին, իսկ Ադրբեջանը՝ ոչ։ Կոնգրեսականը հիշեցրել է, որ օրերս ադրբեջանական տանկը կրակ է բացել, ինչի հետևանքով հայկական կողմից զոհվել է 24-ամյա Գարիկ Ավանեսյանը։ Դեկտեմբերի 9-ին հակառակորդն 1994-ի զինադադարի կնքումից հետո առաջին անգամ հրասայլից (տանկ) արկակոծման է ենթարկել ՊԲ հարավային ուղղությամբ տեղակակայված մարտական դիրքերը: Հակառակորդի կողմից խոշոր տրամաչափի դիպուկահար հրացանից արձակված կրակոցից դեկտեմբերի 8-ին՝ ժամը 21:10-ի սահմաններում, ՊԲ արևելյան ուղղությամբ տեղակայված զորամասերից մեկի մարտական հենակետում մահացու հրազենային վիրավորում է ստացել ՊԲ պայմանագրային զինծառայող, 1991թ. ծնված Գարիկ Գուրգենի Ավանեսյանը: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսին Առաջին դասարանցիների հայտագրումը կսկսվի հունիսի 10–ից Այն կիրականացվի 3 փուլով Ադրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում են Վարչապետի աշխատակազմում անհեթեթ են անվանել Բագրատ սրբազանի՝ ՔՊ բարձրաստիճան անդամների` իրենց միանալու հայտարարությունը «Անհեթեթ է անդրադառնալ նման հարցադրմանը»,–ասել են աշխատակազմից |