Սենատոր Քիրք. Ղարաբաղի հայերն ամեն օր պայքարում են հարևան Ադրբեջանի նկրտումների դեմ16 դեկտեմբերի 2015 - 13:17 AMT PanARMENIAN.Net - Իլինոյսից ԱՄՆ սենատոր Մարկ Քիրքը դատապարտել է Ադրբեջանի աճող ագրեսիան Հայաստանի և Արցախի դեմ: Այդ մասին հայտնում է Ամերիկայի Հայ դատի հանձնախումբը (ANCA): «Այժմ Լեռնային Ղարաբաղի ժողովուրդը նույնքան անվտագ և խաղաղ չի ապրում, որքան մենք ԱՄՆ-ում: Ղարաբաղի հայերն ամեն օր պայքար են մղում` պաշտպանվելով հարևան Ադրբեջանի նկրտումներից»,-ասել է սենատորը: Նա ողջունել է կոնգրեսականներ Էդ Ռոյսի և Էլիոթ Էնգելի առաջարկներն, ուղղված հրադադարի ռեժիմի պահպանմանը: Նա նշել է, որ Հայաստանն ու Արցախը կողմ են առաջարկներին, իսկ Ադրբեջանը` ոչ: ANCA ղեկավար Քեն Խաչիկյանը բարձր է գնահատել սենատորի դիրքորոշումն ու հույս է հայտնել որ աշխատանքը Մարկ Քիրքի հետ կշարունակվի և Ռոյս-Էնգել առաջարկները կյանքի կկոչվեն, հայտնում է Armenia Today-ը: Դեկտեմբերի 15-ին և լույս 16-ի գիշերը ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է ավելի քան 105 անգամ, որի ընթացքում, տարբեր տրամաչափի հրաձգային զինատեսակներից, ինչպես նաև 60 (52 արկ), 82 (26 արկ) միլիմետրանոց ականանետերից, ՀՀՆ-9 (3 արկ) և ՌՊԳ-7 (3 արկ) տիպի նռնականետերից, հայ դիրքապահների ուղղությամբ արձակվել է մոտ 1100 կրակոց: Դեկտեմբերի 14-ին և լույս 15-ի գիշերը ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է մոտ 150 անգամ, որի ընթացքում, տարբեր տրամաչափի հրաձգային զինատեսակներից, ինչպես նաև 60 (130 արկ), 82 (13 արկ) միլիմետրանոց ականանետերից, ՀԱՆ-17 (40 արկ) և ՌՊԳ-7 (6 արկ) տիպի նռնականետերից, հայ դիրքապահների ուղղությամբ արձակվել է ավելի քան 1700 կրակոց: Հրադադարի ռեժիմի խախտման արդյունքում՝ պաշտպանության բանակը կորուստ չի ունեցել: Հաշվի առնելով ստեղծված իրադրությունը՝ ՊԲ առաջապահ զորամասերը պատժիչ գործողություններ են ձեռնարկել հակառակորդի նախահարձակ ակտիվությունը ճնշելու համար և ոչնչացրել ադրբեջանական զինուժի՝ առաջնագծին մոտ տեղակայված ռազմական մի քանի կարևոր օբյեկտներ: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսին Առաջին դասարանցիների հայտագրումը կսկսվի հունիսի 10–ից Այն կիրականացվի 3 փուլով Ադրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում են Վարչապետի աշխատակազմում անհեթեթ են անվանել Բագրատ սրբազանի՝ ՔՊ բարձրաստիճան անդամների` իրենց միանալու հայտարարությունը «Անհեթեթ է անդրադառնալ նման հարցադրմանը»,–ասել են աշխատակազմից |