ԵՏՄ-ից ՀՀ ներկրվող մեքենաներից ԱԱՀ գանձմումը կվերացվի25 փետրվարի 2016 - 14:17 AMT PanARMENIAN.Net - ՀՀ կառավարությունը փետրվարի 25-ին որոշում է ընդունել, ըստ որի՝ ԵՏՄ երկրներից Հայաստան ներկրվող մեքենաների համար այլևս չի վճարվի 20% ԱԱՀ: Այս հարցը նախապես օրակարգում ներառված չէր. այն առաջարկել է քննարկել վարչապետ Հովիկ Աբրահամյանը: Խոսքը ավտոմեքենա ներմուծման ժամանակ ՀՀ-ի կողմից 20% ավելացված արժեքի հարկ գանձելու մասին է: ԵՏՄ նախարար Տատյանա Վալովայան փետրվարի սկզբին հայտարարեց, որ ԱԱՀ-ի հարկումը հակասում է ԵՏՄ իրավապայմանագրային պահանջներին: Վարչապետը նշել է, որ 20% ԱԱՀ-ն պետք է հանվեր միայն 2017-ին, սակայն հաշվի առնելով ներկրողների բողոքները՝ այն կհանվի ավելի շուտ. «Վերջին մեկ տարվա ընթացքում անընդհատ և ակտիվ քննարկումներ ենք ունեցել ԵՏՄ գործընկերների հետ՝ ԱԱՀ-ի անկատար մեխանիզմների վերացման համար, և այժմ որոշում է կայացվել վերանայել օրենքը: Թեմայի վերաբերյալ քննարկումներ ենք ունեցել նախագահ Սերժ Սարգսյանի հետ և որոշվել է վերանայել կարգավորող օրենսդրությունը», գրում է «Ա1+»-ը: «Խնդիրը ԵՏՄ համար նոր չէ: Ղազախստանում նույնպես գործել է նման անցումային սահմանափակում, խնդիրը նոր չէ նաև մեր տնտեսական քաղաքականության օրակարգում ընդգրկվածության տեսակետից»,-հայտարարել է Աբրահամյանը, գրում է Panorama.am-ը: Փետրվարի 17-ին ՀՀ ֆինանսների փոխնախարար Արմեն Ալավերդյանը` անդրադառնալով հարցին, թե ըստ տեղեկությունների` խնդիր է առաջացել հարկատեսակի կիրառման հետ, հայտնել է, որ ԵՏՄ անդամ երկրներից ՀՀ ավտոմեքենաներ ներկրելու հարցում որևէ շեղում կամ բացթողում չենք ունեցել:Հարցին, թե Միության տարածքում ինչո՞ւ Է գանձվում ԱԱՀ, Ալավերդյանը պատասխանել է. «Անցումային դրույթներով մենք այդ իրավունքն ունենք և այն պահպանելու ենք: Դա մեր եկամտային կարևորագույն հոդվածներից մեկն է, եթե նայենք ԵՏՄ-ի օրենսդրությունը, ապա կարգավորումների մեջ Հայաստանի Հանրապետությունը ոչ մի խախտում չի արել»: ԵՏՄ-ի հետ ՀՀ վավերացված պայմանագիրը նախատեսում է անցումային շրջան՝ 1-8 տարի ժամկետով, ԵՏՄ Միասնական մաքսային սակագներից տարբերվող Հայաստանի ներկրման մաքսային տուրքերի համապատասխանեցման համար: 12-60 ամիս ժամկետ է տրվում Մաքսային միության տեխնիկական կանոնակարգերի ներմուծման համար, երեք տարի՝ մտավոր սեփականության իրավունքի և օբյեկտների պահպանության ու պաշտպանության հարցերի համաձայնեցման համար: Անցումային շրջանում ԵՏՄ անդամ երկրներն իրավունք ունեն հատուկ կարգ սահմանել իրենց տարածք Հայաստան ներմուծվող ապրանքների ներկրման համար: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Օսկանյան. Արցախի հարցը փակված չէ Նա նշել է, որ Հայաստանն այսքան խոցելի է դարձել հիմնականում այն պատճառով, որ մենք կորցրել ենք Արցախը Ծիծեռնակաբերդում Աննա Հակոբյանին առնչվող միջադեպով 1 անձի մեղադրանք է առաջադրվել Մյուսներն արգելանքից ազատ են արձակվել, քրեական հետապնդում չի հարուցվել Նարեկ Մանասյանը՝ բռնցքամարտի ԵԱ արծաթե մեդալակիր Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը Քոչարյանից պահանջում են բռնագանձել 25 անշարժ գույք, 5 տրանսպորտային միջոց, արժեթղթեր Պահանջն առնչվում է նրա հետ փոխկապակցված 7 անձի |