Արցախում բացվել է Կարմիր շուկա համայնքային կենտրոնը. Աջակցել են ֆրանսահայերը20 հունիսի 2016 - 14:17 AMT PanARMENIAN.Net - Հունիսի 19-ին Արցախի Կարմիր շուկա համայնքում Ֆրանսիայից ժամանած պատվիրակության մասնակցությամբ բացվել է նորակառույց համայնքային կենտրոնը, որը կյանքի է կոչվել Հիմնադրամի Ֆրանսիայի տեղական մարմնի և ԼՂՀ կառավարության համաֆինանսավորմամբ: Հանդիսությանը ներկա էին Հիմնադրամի գործադիր վարչության և Ֆրանսիայի տեղական մարմնի ներկայացուցիչները, բարերարներ, համայնքի բնակիչներ: Նորակառույցը Ֆրանսիայի տեղական մարմնի հովանավորությամբ կառուցված ութերորդ համայնքային կենտրոնն է վերջին երեք տարվա ֆրանսահայերի միջոցներով Արցախում իրականացված մեկ տասնյակից ավելի ենթակառուցվածքային և սոցիալական ծրագրերի շարքում, այդ թվում՝ ջրամատակարարում, կրթություն, առողջապահություն: Ֆրանսահայ մեր հայրենակիցներն իրենց աջակցությունն Արցախին բերեցին նաև ապրիլյան պատերազմից անմիջապես հետո: Այդ օրերին Ֆրանսիայի տեղական մարմնի ատենապետ Պետրոս Թերզյանն այցելել է Արցախ՝ ծանոթանալու հրատապ կարիքներին, ինչին հաջորդեց մեծաքանակ դեղորայքի, բժշկական սարքերի ու պարագաների, երկու շտապօգնության մեքենայի նվիրաբերումը: Համայնքային կենտրոնը կրում է Հիմնադրամի Ֆրանսիայի տեղական մարմնի հիմնադիրներից Էդի Ջոլոլեանի անունը, ով հանդիսանում է նաև Ֆրանսիայի «Նավասարդ» պարախմբի հիմնադիրը: Գյուղապետարանից բացի, կենտրոնում կգործեն գրադարանը, համակարգչային սենյակը, խաղասենյակը, շախմատի սենյակը: Հանդիսությունների դահլիճն էլ՝ հանդերձարաններով ու ետնաբեմի սենյակով, կարող է հյուրընկալել տարբեր միջոցառումներ ու ներկայացումներ 160 և ավելի հանդիսատեսի համար: Բացման հանդիսության իսկ օրը արտերկրից ժամանած հյուրերի ներկայությամբ համայնքը հնարավորություն ունեցավ այստեղ տեսնելու իր շնորհաշատ պատանիների կատարումները: «Այսպիսի կենտրոնները, որոնց թիվն Արցախում արդեն հասնում է երկու տասնյակի, հրաշալի լուծում են գյուղական համայնքների համար, թե՛ ծախսերի օպտիմալացման և թե՛ համայնքի առօրյան աշխուժացնելու առումով: Կենտրոնում նախատեսում ենք կազմակերպել նաև խմբակներ երեխաների համար»,- ասել է Կարմիր շուկայի գյուղապետ Սամվել Հակոբջանյանը: Մոտ 1150 բնակիչ ունեցող համայնքը նախկինում Հիմնադրամի իրականացրած ձեռնարկների շնորհիվ այսօր ունի նաև կանոնավոր ջրամատակարարում և բարեկարգ գյուղամիջյան ճանապարհ /Հյուսիս-հարավ ճանապարհահատված/: Ֆրանսահայ երիտասարդների նախաձեռնությամբ էլ վերանորոգման աշխատանքներ են տարվել գյուղի մանկապարտեզում: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |