 ՌԴ դեսպանի խորհրդական. Մոսկվան չունի ՀՀ քաղաքացիների «սև ցուցակ» 8 սեպտեմբերի 2016 - 14:22 AMT PanARMENIAN.Net - Հայաստանում ՌԴ դեսպանի խորհրդական Օլեգ Շապովալովն, անդրադառնալով ավելի վաղ մոսկովյան «Շերեմետևո» օդանավակայանից ՀՀ քաղաքացի, Գլոբալիզացիայի և տարածաշրջանային հետազոտությունների կենտրոնի ղեկավար Ստեփան Գրիգորյանի վտարման միջադեպին, հայտարարել է, որ Ռուսաստանի իշխանությունները չունեն ՀՀ քաղաքացիների «սև ցուցակ», ըստ որի կարգելվեր նրանց մուտքը երկիր, հայտնում է «Ազատություն» ռադիոկայանը: Այնուամենայնիվ, ըստ նրա, Ռուսաստանը որպես ինքնիշխան պետություն իրավունք ունի արտոնել կամ արգելել այս կամ այն անձի մուտքը երկիր: Օգոստոսի 30-ի առավոտյան Գրիգորյանը ժամանել էր Մոսկվայի «Շերեմետևո» օդանավակայան՝ Մոսկվայում հոր գերեզմանն այցելելու նպատակով: «Սակայն ես չկարողացա մուտք գործել ՌԴ տարածք` ռուս սահմանապահները տեղեկացրեցին, որ ինձ արգելված է մուտքը ՌԴ մինչև 2030թ»,-նշել է Գրիգորյանը: Նույն օրը Գրիգորյանին վտարել են Հայաստան, թեև, ինչպես նշել է քաղաքագետը, ավելի ուշ պարզվել է, որ նույնիսկ ըստ ՌԴ Դաշնային միգրացիոն ծառայության կայքի նա այժմ էլ իրավունք ունի այցելել ՌԴ: Հայաստանում ՌԴ դեսպանի խորհրդականը չի խոսել այդ արգելքի հնարավոր պատճառների մասին` նշելով միայն, որ դրանք իրեն հայտնի չեն: «Այս համատեքստում այնպես է ստացվել, որ Գրիգորյանին արգելվել է մուտքը Ռուսաստանի տարածք: Մենք պարտավոր չենք մեկնաբանել, բացատրել, սակայն, ղեկավարվելով ՀՀ ԱԳՆ հայտարարությամբ մենք մեկնաբանություն ենք խնդրել մեր համապատասխան կառույցից և զբաղվում ենք այդ հարցով: Արդյունքների մասին կհայտնենք ՀՀ ԱԳՆ-ին»,-ասել է Շապովալովը: ՀՀ փոխարտգործնախարար Շավարշ Քոչարյանն ավելի վաղ հայտարարել էր, որ Ստեփան Գրիգորյանին Ռուսաստան մինչև 2030 թ. այցելելու արգելքն աննախադեպ է և որ ՀՀ ԱԳՆ-ն դիմել է ՌԴ ԱԳՆ և սպասում է համապատասխան բացատրության: Ըստ ՌԴ դեսպանի խորհրդականի, Գրիգորյանն «ազատ մարդ է և կարող է պաշտպանել իր իրավունքները ցանկացած օրինական միջոցով»: Շապովալովը վստահ է, որ այս միջադեպը բացասաբար չի անդրադառնա հայ-ռուսական հարաբերությունների վրա: «Կարծում եմ, որ ռուս-հայկական հարաբերությունները ոչինչ չի կարող փչացնել: Իսկ հիմա մնում է միայն հետևել իրադարձությունների զարգացմանը»,-ասել է նա: «Ցանկացած երկրի իրավունքն է առանց նույնիսկ որևէ բացատրության համապատասխան քայլեր կիրառել: Սակայն այս դեպքը արտառոց է այն առումով, որ առաջին անգամ է, որ Հայաստանի և Ռուսաստանի հարաբերություններում այդպիսի քայլ է կիրառվել: Դա նախադեպային է: Այդ իսկ պատճառով մենք դիմել ենք ՌԴ ԱԳՆ և սպասում ենք համապատասխան բացատրության», - լրագրողների հետ զրույցում ավելի վաղ ասել էր Շավարշ Քոչարյանը:  Ուշագրավ Շենքի շուրջբոլորը ոստիկանությունը պատնեշներ է տեղադրել «Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի   Ամենաընթերցվողը բաժնում |  Բաժիններ թեմայով Վերջին լուրեր Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում  Միրզոյանը ստորագրել է Օվիեդոյի կոնվենցիանԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետՈւսանողների օրը՝ Բիբլոս Բանկ Արմենիայի կրթաթոշակ ստացած ուսանողների հետ ԵՊՀ 10 ուսանող ստացել է Բիբլոս Բանկ Արմենիայի անվանական կրթաթոշակՁերբակալվել է Վահագն Չախալյանը և ևս 4 անձ Նրանք կասկածվում են խմբակային խուլիգանություն կատարելու մեջ |
