Ծաղկաձորը` յուրահատուկ ձմեռային հանգստավայրերի RBC-ի ցանկում 8 նոյեմբերի 2016 - 14:41 AMT PanARMENIAN.Net - Ռուսական ՌԲԿ-ն (RBC) առանձնացրել է 5 յուրահատուկ ձմեռային հանգստավայր, որտեղ կարելի է անցկացնել ձմեռային արձակուրդը: Առաջինն այդ ցուցակում Հայաստանն է իր Ծաղկաձորով: Նշվում է, որ խորհրդային տարիներին համարվում էր, որ Ծաղկաձորում ավելանում է հեմոգլոբինի մակարդակը, ուստի այստեղ էին մարզվում այն ժամանակվա օլիմպիական չեմպիոնները: Այսօր Ծաղկաձորի լանջերը հագեցած են նորագույն ճոպանուղիով և բաժանված են 3 հատվածի` վերին և ստորին, որոնք նախատեսված են հմուտ լեռնադահուկորդների համար, իսկ միջինը հանդարտ սահքի սիրահարների համար է: Նշվում է, որ Ծաղկաձորում կարելի է հանգստանալ նոյեմբերից ապրիլ: Դահուկների վարձակալումն օրական 13 եվրո է, 4-5-աստղանի հյուրանոցում գիշերակացը` 70 եվրո: «Եթե եղանակի առումով բախտներդ բերի, ապա գագաթից հնարավոր կլինի տեսնել Արարատի և Սևանա լճի ցնցող պատկերները: Ադրենալինի սիրահարները կհավանեն Թեղենիսի կտրուկ լանջերը, հeliskiing-ն (լեռնադահուկային մարզաձև) Արագածի գագաթին, ուր կարելի է հասնել միայն ձնագնացներով, իսկ ռիսկի սիրահարներին դուր կգա բոբսլեյի նախկին մրցուղին»,-գրում է կայքը: Որպես լեռնային հանգստավայրի առավելություն նշված են սակավամարդ լինելը, համեղ կերակուրներն ու տեղաբնակների հյուրասիրությունը: Իսկ որպես լավագույն apres-ski (հանգիստն ու զվարճանքները դահուկավազքից հետո) առաջարկվում է Օսիպ Մանդելշտամի Հայաստանին նվիրված շարքի բանաստեղծությունների ընթերցանությունը, որոնց զգալի մասը նա գրել է Ծաղկաձոր իր այցելության ժամանակ: «Իսկ ընթերցանությունը կարելի է զուգակցել հայկական կոնյակ ըմպելով»,-ասվում է հաղորդագրության մեջ: Յուրահատուկ ձմեռային հանգստավայրերի թվում ընդգրկվել են նաև Նորվեգիան, Իսպանիան իր հայտնի դահուկային կենտրոններով, Ռուսաստանն ու Սլովենիան: Ավելի վաղ հայտնի դարձավ, որ Ծաղկաձորն ընդգրկվել է Ամանորին ռուսաստանցիների նախընտրած ԱՊՀ և մերձավոր արտերկրի լեռնադահուկային հանգստավայրերի առաջին 5-ում: Նման տվյալներ է ներկայացնում հյուրանոցների որոնման RoomGuru.ru ծառայությունը: Վարկանիշը կազմվել է 2016-ի դեկտեմբերի 30-ից մինչև 2017-ի հունվարի 8-ն ընկած ժամանակահատվածում հյուրանոցների և կացարանների որոնման և ամրագրման տվյալների հիման վրա: Հղումներ թեմայով. Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |