Վարդենիս-Սոթք-Քարվաճառ ճանապարհը դժվարանցանելի է. Լարսը բաց է

PanARMENIAN.Net - ՀՀ արտակարգ իրավիճակների նախարարությունը տեղեկացնում է, որ նոյեմբերի 18-ի ժամը 10.00-ի դրությամբ ՀՀ տարածքում ավտոճանապարհներն անցանելի են:

Մերկասառույցի պատճառով դժվարանցանելի է Վարդենիս-Սոթք-Քարվաճառ ավտոճանապարհը:

Գեղարքունիքի մարզի Ճամբարակ քաղաքում մառախուղ է, իսկ Վարդենիս և Մարտունի քաղաքներում տեղում է թույլ ձյուն:

Տրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ այսօր ժամը 09:30-ի դրությամբ, Վայքում, Սիսիանում, Գորիսում և Վարդենիսում տեղում է ձյուն:

Մեղրու տարածաշրջանի ավտոճանապարհներին խիտ մառախուղ Է, տեսանելիությունը՝ 30-40 մ:

Վրաստանի ՆԳՆ ԱԻ դեպարտամենտից ստացված տեղեկատվության համաձայն` Լարսի անցակետը բաց է միայն մարդատար ավտոմեքենաների համար անվաշղթաների կիրառման դեպքում:

Կարդացեք նաև՝ Օդի ջերմաստիճանը կնվազի. Սիբիրից ՀՀ կներթափանցեն արկտիկական ցուրտ օդային հոսանքներ