Նախարարությունը՝ հոկտեմբերին գյուղատնտեսության շեշտակի անկման մասին24 նոյեմբերի 2016 - 13:36 AMT PanARMENIAN.Net - Գյուղարտադրանքի ծավալային անկումը հիմնականում կապված է բուսաբուծության ոլորտի հետ և պայմանավորված այստեղ առկա մի շարք խնդիրներով: Այս մասին PanARMENIAN.Net ի հետ զրույցում ասաց գյուղատնտեսության նախարարության բուսաբուծության և բույսերի պաշտպանության վարչության պետ Աշոտ Հարությունյանը՝ անդրադառնալով ԱՎԾ հրապարակած տվյալներին: ԱՎԾ-ն հրապարակել է ՀՀ տնտեսական ակտիվության ցուցանիշը 2016-ի հունվար-հոկտեմբեր ամիսներին, ըստ որի 2016-ի հոկտեմբերին 2015-ի հոկտեմբերի համեմատ գյուղատնտեսական համախառն արտադրանքի ծավալը նվազել է 29.8%-ով՝ փաստացի հասնելով 2010 թվականի մակարդակին: Հարությունյանը նշեց, որ չի կարող մեկնաբանել 30% անկման փաստը: «Վիճակագրությանը չեմ կարող անդրադառնալ, քանի որ համայնքները տվյալները ուղարկում են մարզկենտրոններին, մարզկենտրոնները՝ հանրապետական կենտրոն: Այդպես է կազմվում վիճակագրությունը: Ես կարող եմ միայն ասել, թե ինչու է այս տարի բուսաբուծության ոլորտում նախորդ տարվա համեմատ զգալի անկում գրանցվել»,- նշեց նա: Ըստ բուսաբուծության և բույսերի պաշտպանության վարչության պետի, ոլորտում շեշտակի անկումը հիմնականում պայմանավորված է պտղի և խաղողի բերքի սակավության հետ. «Ծառերը կենդանի օրգանիզմ են: 2015-ին բերքը շատ առատ է եղել: Եթե նախորդ տարի այդչափ ծանրաբեռնված են եղել, լավ բերք են տվել, ապա այս տարի բերքը չէր կարող նույնքան առատ լինել: Սա էլ հանգեցրել է բերքի ծավալի անկման»: Բացի այդ, գյուղացիները բախվել են բերքի մթերման խնդիրների. «Մթերման խնդիր կար, բերքը չիրացվեց, գյուղացին ժամանակին չվճարվեց, արդյունքում՝ չկարողացավ ժամանակին կազմակերպել իր աշխատանքը, ժամանակին սկսել բերքահավաքը: Այգեքաղ չկատարվեց, խաղողի այգիների մի մասը մնաց չքաղված»: Սակավ բերքը, ըստ Հարությունյանի, պայմանավորված է նաև ձմեռային, վաղ գարնանային ցրտահարություններով, ոռոգման խնդիրներով, չմոռանանք կարկուտի մասին: Անդրադառնալով 2016-ի հոկտեմբերին սեպտեմբերի համեմատ գյուղարտադրանքի ծավալի շեշտակի՝ 28% անկմանը, մասնագետը նշեց, որ դա պայմանավորված է նրանով, որ 2016-ին գյուղատնտեսակն տարին մոտ 15-20 օր հետ է 2015-ից. եթե նախորդ տարի խաղողի մթերումը սկսվել է սեպտեմբերի սկզբից՝ 2-3-ից, ապա այս տարի միայն սեպտեմբերի 15-ից հետո: Կարդացեք նաև՝ ԱՎԾ. Գյուղարտադրանքի 30% անկման պատճառը բուսաբուծության ոլորտն է Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Ադրբեջանում հայտարարել են, որ Ղազախի շրջանում ականի պայթյունից սահմանապահ է վիրավորվել Նշվում է, որ տարածքը, որտեղ տեղի է ունեցել դեպքը, հարում է այն հատվածին, որը «Հայաստանի հետ շփման գիծ էր» ՀՀ–Ադրբեջան սահմանին տեղադրվել է 35 սահմանային սյուն՝ նախատեսված աշխատանքների կեսից ավելին արվել է Նշվում է, որ երկու երկրների փորձագիտական խմբերի աշխատանքները շարունակվում են Կիրանցի բնակիչները կառավարության շենքում հանդիպում են Փաշինյանի հետ Կառավարության շենք է մտել նաև Տավուշի մարզպետ Եվրահանձնաժողովի գլխավոր տնօրենը կժամանի Հայաստան Այցը տարածաշրջանային է |