Երևանում մարզային մշակույթի օրեր կանցկացվեն. Ցուցահանդես և համերգ կլինի13 դեկտեմբերի 2016 - 11:51 AMT PanARMENIAN.Net - Դեկտեմբերի 14-ին Երևանում կանցկացվի «Մենք ենք, մեր մարզը» մանկապատանեկան մարզային մշակույթի օրեր մայրաքաղաքում ծրագիրը, որին կմասնակցի ՀՀ Շիրակի մարզերի 18 ուսումնական հաստատության մոտ 80 շնորհալի երեխա և պատանի: Ծրագրի շրջանակում` դեկտեմբերի 14-ին, ժամը 15:00-ին, Առնո Բաբաջանյան համերգասրահում կբացվի մարզի պատանի ստեղծագործողների լավագույն նկարչական և դեկորատիվ կիրառական աշխատանքների ցուցահանդեսը: Ցուցադրությանը կհաջորդի համերգ՝ երաժիշտ-կատարողների, երգչախմբի, պարային և երաժշտական համույթների մասնակցությամբ: Մարզից ժամանած երեխաների համար կկազմակերպվեն նաև այցելություններ Երևանի մշակութային օջախներ՝ Կոմիտասի թանգարան-ինստիտուտ, Հայաստանի պատմության թանգարան: «Մենք ենք, մեր մարզը» խորագրով ծրագիրը մեկնարկել է 2008-ից և միտված է ՀՀ մշակույթի նախարարության կողմից Հայաստանի մարզերում նպատակային մշակութային քաղաքականության իրականացմանը, հաշվետու ստուգատեսերի միջոցով հանրապետության քաղաքներում մշակութային կյանքի աշխուժացմանն ու զարգացմանը: Ծրագրի իրականացմամբ նպաստավոր պայմաններ են ստեղծվում մանկապատանեկան մշակութային հաստատությունների շնորհալի երեխաների և պատանիների մասնագիտական ունակությունների զարգացման, արվեստագետների շփումների սերտացման, փորձի փոխանակման, մարզերի միջև մշակութային կապի ամրապնդման համար: 2008-2015 թվականների ընթացքում ծրագրին մասնակցել է 730 երեխա` ՀՀ Շիրակի, Լոռու, Գեղարքունիքի, Կոտայքի, Տավուշի, Արարատի, Վայոց ձորի, Արագածոտնի մարզերի, ինչպես նաև Լեռնային Ղարաբաղի Հանրապետության 155 ուսումնական հաստատությունից: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Փաշինյանը Դանիայի վարչապետին է ներկայացրել Ադրբեջանի հետ խաղաղության գործընթացը Ֆրեդերիկսենն ընդունել է Հայաստան այցելելու հրավերը Ալիևը Բորգին ասել է, թե ԵԱՀԿ Մինսկի խումբը պետք է չեղարկել «Ադրբեջանը բարձրացրել է այդ հարևցը և չկա որևէ պատճառ, որպեսզի հայկական կողմն իր համաձայնությունը չտա»,–ասել է նա Արաքս գետի վրա 2-րդ կամուրջ կառուցելու հարցով Իրանի հետ աշխատանքային խումբ կստեղծվի Գործող կամուրջը կառուցվել է 1995–ին Փաշինյանն ու Ռասմուսենը քննարկել են տարածաշրջանային զարգացումները և անվտանգային մարտահրավերները Քննարկվել են Հարավային Կովկասում անվտանգությանն ու կայունությանը վերաբերող հարցեր |