Էրմիտաժը և ՀՀ թանգարանները կաշխատեն համատեղ. «Էրմիտաժի օրեր» կանցնեն13 դեկտեմբերի 2016 - 17:05 AMT PanARMENIAN.Net - Հայաստանի Պատմության թանգարանում ՀՀ մշակույթի նախարարության և Էրմիտաժի միջև ստորագրվել է համագործակցության ռազմավարական համաձայնագիր: Փաստաթուղթը ստորագրելուց հետո Էրմիտաժի տնօրեն Միխայիլ Պիոտրովսկին ասել է, որ համաձայնագրով նախատեսված են գիտական ուսումնասիրությունները՝ հնագետների և վերականգնողների համատեղ արշավախմբեր և ուսումնասիրություններ Կարմիր բլուրի տարածքում, հայ գիտնականների ուսումնասիրություններ Պետական Էրմիտաժի արխիվում և գրադարանում, Էրմիտաժի մասնագետները կօգնեն հնագիտական նյութի կոնսերվացման աշխատանքներ իրականացնելու հարցում ևս, հայտնում է Panorama.am-ը: Համաձայնագիրը վերաբերում է նաև թանգարանային ոլորտին. Էրմիտաժը և հայաստանյան թանգարանները համատեղ աշխատանքներ կտանեն ցուցանմուշների և հնագիտական գտածոների ուսումնասիրման ուղղությամբ, կփոխանակվեն մասնագիտական և գիտական գրականությամբ: «Մեր նախագծերն այսօր ներկայացրել ենք Հայաստանի նախագահին, ով հավանության է արժանացրել: Նաև կաթողիկոսի մոտ ենք եղել այսօր, ներկայացրել մեր նախագծերը կապված Էջմիածնի հետ»,- ասել է Միխայիլ Պիոտրովսկին: Պիոտրովսկին նաև տեղեկացրել է, որ ծրագրում են Հայաստանում կանոնավոր անցկացնել «Էրմիտաժի օրեր»: «Կգան Էրմիտաժի մասնագետները, կկարդան դասախոսություններ, կանցկացնեն վարպետության դասեր վերականգնողների համար, կցուցադրվեն ֆիլմեր: Հայաստանում կզգացվի Էրմիտաժի շունչը»,- ասել է Պիոտրովսկին: Ինչ վերաբերում է Երևանում ցուցահանդես կազմակերպելուն, նա նախ ասել է, որ մեծ աշխատանք է պահանջում ցուցահանդես կազմակերպելը, ապա հավելել է, որ նախատեսում են: Մշակույթի նախարար Արմեն Ամիրյանը նշել է, որ Էրմիտաժի հետ համագործակցությունը բազմաշերտ է և այս պայմանագրով հստակեցվում են բոլոր քայլերը, աշխատանքները, ժամկետները: «Ստորագրեցինք հաջորդ տարվա ընթացքում բազմաժանր, բազմաբնույթ, տարբեր ուղղություններով գիտական, մշակութային փոխհամագործակցության հուշագիր, որը, կարծում եմ, կծառայի հայկական մշակույթի հանրահռչակմանը»,- հավելել է նախարարը: Ամիրյանի խոսքով՝ Հայաստանի յուրաքանչյուր մշակութային հուշարձան պեղելիս՝ կարելի է ոչ միայն ազգային, նաև համաշխարհային նշանակության բացահայտում անել և այս համաձայնագիրը նման հայտնագործություններ անելու հնարավորություն է տալիս: Ինչ վերաբերում է Կարմիր բլուրը՝ զբոսաշրջային վայր դարձնելուն, մշակույթի նախարարն ասաց, որ նման նպատակ ունեն, սակայն այս պահի դրությամբ այնտեղ վիճակն այնքան էլ բարեկարգ չէ: «Ուղարկել եմ խմբեր, որպեսզի ուսումնասիրեն: Կան օբյեկտիվ և սուբյեկտիվ պատճառներ»,- հավելել է Արմեն Ամիրյանը: Ավելի վաղ Պետական Էրմիտաժի գլխավոր տնօրեն Միխայիլ Պիոտրովսկին այցելել է «Էրեբունի» պատմահնագիտական արգելոց-թանգարան: Տնօրեն Գագիկ Գյուրջյանի ուղեկցությամբ շրջելով և ծանոթանալով հիմնական ցուցադրության մաս կազմող Բորիս Պիոտրովսկուն նվիրված անկյանը, Միխայիլ Պիոտրովսկին իր երախտագիտությունն է հայտնել բարձր գնահատանքի և առանձնահատուկ վերաբերմունքի համար: Այնուհետ «էրմիտաժի» գլխավոր տնօրենը մասնակցել է թանգարանում կազմակերպված կլոր սեղան-քննարկմանը: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Բլինքենը Ալիևին կոչ է արել շարունակել բանակցել ՀՀ-ի հետ և ազատել անարդարացի ձերբակալվածներին Ալիևը «դրական է գնահատել ՀՀ հետ սահմանագծումը» և ասել է, որ «Ադրբեջանում շարունակվում են ժողովրդավարական բարեփոխումները» Փաշինյանը՝ Բլինքենին․ Ամեն ինչ կարվի Տավուշի գյուղերի լեգիտիմ մտահոգությունները հասցեագրելու համար Զրուցակիցները քննարկել են նաև Հայաստան-ԱՄՆ երկկողմ հարաբերությունների օրակարգի հարցեր Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը |