Օգոստոսի նախավերջին կիրակին` Խորովածի միջազգային օր 2 փետրվարի 2017 - 17:12 AMT PanARMENIAN.Net - Օգոստոսի նախավերջին կիրակի օրը հռչակվում է Խորովածի միջազգային օր: Այդ մասին լրագրողների հետ հանդիպմանն ասել է «Հայ ավանդական խոհարարության զարգացման և պահպանման» ՀԿ նախագահ Սեդրակ Մամուլյանը: «Մենք արդեն 9-րդ տարին է, ինչ իրականացնում ենք խորովածի համահայկական տոնը: Տոնի նպատակն առաջին հերթին տարածաշրջանում տուրիզմի զարգացումն է: Անցած տարիները ցույց տվեցին, որ միջոցառումը մեծ հետաքրքություն է առաջացնում զբոսաշրջությամբ զբաղվող ընկերությունների մոտ: Մենք նախաձեռնություն ունենք Ախթալայի քաղաքապետարանի հետ համատեղ հանրահռչակման մի գաղափարի, որը կոչվում է Խորովածի միջազգային օր», - նշել է Մամուլյանը, հայտնում է Aysor.am-ը: Ասուլիսին ներկա Բարբեքյուի համաշխարհային ասոցիացիայի համանախագահ Արտեմ Ենգոյանն էլ իր հերթին ասել է, որ շատ է կարևորում այս տոնը, քանի որ երկար տարիներ է, ինչ մասնակցում է խորովածի միջազգային շարժմանը: «Ես այստեղ ներկայացնում եմ խորովածի միջագային շարժումը, որը սկսել է 1996 թվականին, այսօրվա դրությամբ այդ շարժումը միավորում է 35 երկիր, որոնք անմիջապես մասնակցում են դրան: Ես ուրախ կլինեմ, որ այդ շարժումը արմատներ գցի Հայաստանում, քանի որ դա եղբայրության, ընկերության, բարի կրակի սոցիալ հումանիտար շարժում է», - նշել է Ենգոյանը: Կազմակերպիչները նշել են, որ խորովածի միջազգային օրն առիթ է, որ մարդիկ հավաքվեն, շփվեն, հյուրեր կանչեն: Ըստ կազմակերպիչների՝ այդ օրը հնարավորություն կտա ամբողջ աշխարում հայկական խորոված, հունական սուվլաքի, վրացական մցվադի, ճապոնական յակիտորի, ռուսական շաշլիկ, բարբեքյու, գրիլ և խորովածի այլ տեսակներ պատրաստողներին մեկտեղելու խորովածի մայրաքաղաք Ախթալայում, իսկ նման հնարավորության բացակայության դեպքում խորովածին վերաբերվող տարատեսակ միջոցառումներ, ֆլեշմոբեր կազմակերպելու իրենց երկրներում, քաղաքներում, ռեստորաններում, բակերում, բնության գրկում: 2016-ի սեպտեմբերի 24-ին Ախթալայի սուրբ Մարիամ եկեղեցու բակում տեղի ունեցավ Խորովածի համահայկական փառատոնը: Օրվա ընթացքում մասնակիցներն այցելել են ՅՈՒՆԵՍԿՈ-ի ցանկում ընդգրկված Հաղպատի և Սանահինի վանական համալիրներ, Քոբայրի վանք, իսկ այնուհետև մեկնել են Ախթալայի ամրոց և վանական համալիր, որտեղ և ճաշակել են հայկական ավանդական խորովածը: Փառատոնի ծրագրում ներառված էր համերգային ծրագիր, հանդիսատեսի համար նախատեսված մրցույթներ և այլն: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Միջազգային տեխնոլոգիական հանդիպումեր՝ Fastex-ի մասնակցությամբ TOKEN2049-ը միջազգային կոնֆերանսների շարք է, որն ամեն տարի միավորում է կրիպտո էկոհամակարգի առաջատարներին ՊՆ․ Տեսանյութում պատկերված անձը ՀՀ հատուկ նշանակության ստորաբաժանման զինծառայող է Լուրեր էին տարածվել, որ Կիրանցի բնակիչները «ադրբեջանցի հատուկջոկատայինի են նկատել» Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել» Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև» ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսին |