Բաքվում ԱՄՆ դեսպան. Հոգլանդն ուժեղ դիվանագետ է, նա իրոք կարող է առաջ մղել ԼՂ հարցի կարգավորումը12 ապրիլի 2017 - 11:37 AMT PanARMENIAN.Net - ԵԱՀԿ ՄԽ-ում ամերիկացի նոր համանախագահ Ռիչարդ Հոգլանդը շատ եռանդուն և ուժեղ դիվանագետ է, նա իրոք կարող է տեղից շարժել ղարաբաղյան կարգավորման գործընթացը: Այդ մասին հայտարարել է Ադրբեջանում ԱՄՆ դեսպան Ռոբերտ Սեկուտան: Ըստ դեսպանի, Հոգլանդն ԱՄՆ Պետդեպում աշխատանքի մեծ փորձ ունի, լավ գիտի Հարավային Կովկասը և նախկինում աշխատել է այդ տարածաշրջանի հետ: «Հոգլանդն արդեն սկսկել է համագործակցությունը Ֆրանսիայից և ՌԴ-ից իր գործընկերների հետ՝ ծանոթանալու համար իրավիճակին ԼՂ շուրջ, շփվելու համար մարդկանց հետ, օգնելու համար բոլոր կողմերին հավաքվել և խաղաղ կարգավորման հասնելու հնարավորություն գտնել: Հոգլանդը շատ եռանդուն և ուժեղ դիվանագետ է, կարծում եմ, նա իրոք կարող է տեղից շարժել այդ գործընթացը»,-ասել է Սեկուտան: Սեկուտան հավելել է, որ ղարաբաղյան հակամարտությունը ռազմական լուծում չունի, խնդրի կարգավորման համար կարևոր են բանակցությունները: «Ղարաբաղյան հակամարտության կարգավորման համար չափազանց կարևոր են խաղաղ բանակցությունները: Հակամարտությունը չունի ռազմական լուծում: Կարևոր է, որ կողմերը միասին հավաքվեն ու աշխատեն խաղաղ կարգավորման ուղղությամբ: Այս հակամարտությունն արդեն շատ երկար է ձգվում»,-ասել է դիվանագետը, հայտնում է ադրբեջանական Թրենդ գործակալությունը: Ըստ Սեկուտայի, ԱՄՆ-ն շատ ակտիվ է աշխատում այդ ուղղությամբ ԵԱՀԿ ՄԽ շրջանակում՝ օգնելու համար կողմերին խաղաղ լուծում գտնել: «Պետք է օգնենք կողմերին առաջ շարժվել»,-ասել է Սեկուտան: 2016-ի հունիսի 20-ին Սանկտ Պետերբուրգում տեղի է ունեցել ՀՀ, ՌԴ և ԱՀ նախագահներ Սերժ Սարգսյանի, Վլադիմիր Պուտինի ու Իլհամ Ալիևի եռակողմ հանդիպումը: Դրա արդյունքներով կողմերն ընդունել են հայտարարություն, որում, մասնավորապես, նշվում է. «ՀՀ և ԱՀ նախագահները հաստատեցին ղարաբաղյան հակամարտության գոտում իրավիճակի կայունացմանն ուղղված մայիսի 16-ին Վիենայում տեղի ունեցած վեհաժողովի պայմանավորվածությունների կատարումը: Այդ նպատակով, նրանք, մասնավորապես, պայմանավորվել են ավելացնել միջազգային դիտորդների քանակը հակամարտության գոտում: Նրանք գոհունակություն արտահայտեցին շփման գծում վերջին ժամանակաշրջանում հրադադարի ռեժիմի պահպանման կապակցությամբ»: 2016-ի մայիսի 16-ին Վիեննայի գագաթաժողով պայմանավորվածություններ են ձեռք բերվել՝ հիմնախնդրի խաղաղ կարգավորման հանձնառությունը, 1994-1995թթ. զինադադարի վերաբերյալ համաձայնագրերի անշեղ իրականացումը, հակամարտության գոտում առավել արդյունավետ մոնիտորինգի իրականացման և հետաքննության մեխանիզմի ձևավորման նպատակով ձեռնարկվելիք քայլերը, որոնք անհրաժեշտ պայմաններ կստեղծեն բանակցային գործընթացը վերսկսելու համար: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |