ՄԽ համանախագահները Լաչին, Զանգելան, Քուբաթլու ու Քելբաջար են այցելել

PanARMENIAN.Net - ԵԱՀԿ Մինսկի խմբի համանախագահները հայտարարություն են տարածել Երևան, Ստեփանակերտ ու Բաքու կատարած այցի առնչությամբ:

Հայտարարությունում, մասնավորապես, նշվում է, որ բացի 3 կողմերի իշխանությունների հետ հանդիպումներից, Բաքվում եղել է նաև հանդիպում տեղի «Ղարաբաղի ադրբեջանական համայնքի» ներկայացուցիչների հետ: ԼՂ-ում համանախագահներն այցել են են «Զանգելանի, Քուբաթլուի, Լաչինի ու Քելբաջարի շրջանները»:

Նշվում է, որ Բաքվում համանախագահները կոչ արեցին Ադրբեջանի ղեկավարությանը զերծ մնալ լարվածության հետագա աճից, նույն կոչն արվեց նաև Ստեփանակերտում ու Երևանում:

Համանախագահները կոչ արեցին կողմերին քննարկել շփման գծում ու հայ-ադրբեջանական սահմանին լարվածության նվազմանն ուղղված քայլեր քննարկել:

Հունիսի 17-ի առավոտյան ադրբեջանական կողմը հյուսիսային ուղղությամբ դիմել է հերթական սադրանքի, որի հետևանքով ժամը 09.40-ի սահմաններում մահացու հրազենային վիրավորում է ստացել ՊԲ զինծառայող, 1997թ. ծնված Նարեկ Տիգրանի Գասպարյանը:

Հունիսի 16-ին հակամարտ զորքերի շփման գծում հակառակորդի կողմից ձեռնարկված նախահարձակ գործողության արդյունքում արձանագրված մահվան ելքով դեպքերից հետո, հունիսի 17-ի առավոտյան ադրբեջանական կողմը հյուսիսային ուղղությամբ դիմել է հերթական սադրանքի, որի հետևանքով ժամը 09.40-ի սահմաններում մահացու հրազենային վիրավորում է ստացել ՊԲ զինծառայող, 1997թ. ծնված Նարեկ Տիգրանի Գասպարյանը: