 Նախարար. ՀՀ-ից էլէներգիայի արտահանումը կաճի առնվազն 3 անգամ 22 դեկտեմբերի 2017 - 12:55 AMT PanARMENIAN.Net - Հայաստանի՝ Իրանի և Վրաստանի միջև էլեկտրաէներգետիկական միջանցքի դերը կմեծանա՝ առնվազն 3 անգամ ավելացնելով էլեկտրաէներգիայի արտահանման ներուժը: ՀՀ էներգետիկ ենթակառուցվածքների և բնական պաշարների նախարարության փոխանցմամբ, էներգետիկների մասնագիտական տոնի առթիվ իր շնորհավորական ուղերձում այս մասին ասել է նախարար Աշոտ Մանուկյանը: Անդրադառնալով 2017-ի ձեռքբերումներին՝ նախարարը նշել է նաև, որ Հայաստանում շահագործման է հանձնվել արտադրական նշանակության առաջին երեք արևային կայանը, և ընդհանուր առմամբ, տեղադրվել է 128 արևային ֆոտովոլտային կայան: «ՌԴ-ի տրամադրված վարկային ու դրամաշնորհային միջոցներով մեկնարկել է հայկական ատոմակայանի երկրորդ էներգաբլոկի արդիականացման և շահագործման ժամկետի երկարաձգման ծրագիրը: Արդյունքում կապահովվի արտադրական հզորությունների 10%-ի ավելացում: Ամերիկյան General Electric ընկերության հետ գործակցությամբ Երևանի ՋԷԿ-ի արդիականացման աշխատանքների արդյունքում գործող էներգաբլոկի արտադրական հզորությունները կավելանան 7 ՄՎտ-ով, 1%-ով կբարձրանա ՕԳԳ-ն, կնվազի վառելիքի տեսակարար ծախսը: Մինչև 53% ՕԳԳ է ակնկալվում ունենալ շոգեգազային ցիկլով Երևանի ՋԷԿ-ի երկրորդ էներգաբլոկի կառուցման արդյունքում», - ասել Աշոտ Մանուկյանը: Նախարարը նշել է նաև, որ իրականացված ծրագրերի արդյունքում ակնկալվում է փոխել էլեկտրաէներգիայի արտադրության կառուցվածքը: Սեփական վերականգնվող աղբյուրներից արտադրվող էներգիայի տեսակարար կշիռը երկրի ներքին սպառման կառուցվածքում կհասցվի 50%-ի, գազային կայանների կողմից միավոր էլեկտրաէներգիայի արտադրության համար վառելիքի տեսակարար ծախսը կկրճատվի ավելի քան 20%-ով, զգալիորեն կավելանա միջուկային էներգիայի տեսակարար կշիռը:   Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով   Ամենաընթերցվողը բաժնում |  Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինըԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |
