Քաղաքապետարան. Տրանսպորտի սակագները հնարավոր է տարբերակվեն ու էլեկտրոնային տոմսեր ներդրվեն29 հունվարի 2018 - 11:35 AMT PanARMENIAN.Net - Երևանի հասարակական տրանսպորտի բարեփոխումների ծրագրով դիտարկվում է միասնական տոմսային համակարգ ձևավորելու հնարավորությունը: Այս մասին, PanARMENIAN.Net ին հայտնեցին Երևանի քաղաքապետարանից: Բարեփոխումների հաջորդ փուլերի համար այժմ քննարկվում է մի շարք միջազգային չափորոշիչների և մեխանիզմների ներդրումը մայրաքաղաքի հանրային տրանսպորտի ցանց: Տարբերակված սակագներ և էլեկտրոնային տոմսեր Հանրային տրանսպորտի բարեփոխումների շրջանակում քննարկվում է նաև տարբերակված սակագներ սահմանելու հարցը: Այժմ դիտարկվում են տրանսպորտից անկանխիկ վճարումների միջոցով օգտվելու, էլեկտրոնային տոմսերի վաճառքի անցման հնարավորությունները: Քաղաքապետարանից հայտնում են նաև, որ հնարավոր է՝ ներդրվեն տոմսերի առք ու վաճառքի՝ անհատականացված կամ ոչ անհատականացված հպումային, անհպումային կամ չիպային սմարթ քարտեր, և ուղեվարձի ավտոմատ գանձման համակարգ (AFC): Նոր սակագներ սահմանելու որոշում դեռևս չկա: Էլեկտրոնային կառավարման մեխանիզմի մշակում Նախատեսվում է մշակել մայրաքաղաքի հասարակական տրանսպորտային համակարգի արդյունավետ էլեկտրոնային կառավարման ու վերահսկման մեխանիզմ։ Վարորդների աշխատավարձի վերանայում Հանրային տրանսպորտի բարեփոխումների հաջորդ փուլերը վերաբերվելու են ծախսերի հաշվարկմանը՝ այդ թվում և վարորդների աշխատավարձի ձևավորմանը: Տրանսպորտի նոր ցանցի վերջնական նախագիծը կդրվի հանրային քննարկման Բարեփոխումների գործընթացը բաղկացած է մի քանի փուլերից: Ներկա պահին Երևան քաղաքի հասարակական տրանսպորտի բարեփոխումների մասնագիտական աշխատանքային խմբին է ներկայացվել խորհրդատու WYG ընկերության կողմից մշակված հասարակական տրանսպորտի նոր ցանցի նախագիծը, որը համարվում է գործընթացի առաջին և կարևորագույն փուլը։ Այն աշխատանքային խմբի անդամների կողմից ենթարկվելու է մասնագիտական ուսումնասիրության և համապատասխան դիտարկումներից ու առաջարկներից հետո վերջնական տեսքի է բերվելու։ Այնուհետև, հասարակական տրանսպորտի նոր ցանցի վերջնական նախագիծը կդրվի հանրային քննարկման, հանրային լսումներ են կկազմակերպվեն: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |