Deutsche Welle. «Անշնորհակալ» հայերը զայրացրել են Պուտինին 3 օգոստոսի 2018 - 11:56 AMT PanARMENIAN.Net - Deutsche Welle-ն անդրադարձել է հայաստանյան վերջին իրադարձություններին և Ռուսաստանի կոշտ արձագանքին՝ նշելով, որ ՌԴ ԱԳ նախարար Սերգեյ Լավրովը (ըստ պարբերականի՝ իրականում Վլադիմիր Պուտինը) խստիվ քննադատեց դաշնակից Հայաստանի կառավարությանը: Հոդվածում ասվում է, որ ՌԴ ԱԳ նախարարի զայրույթի պատճառը ՀՀ երկրորդ նախագահ Ռոբերտ Քոչարյանի կալանավորումն է և ՀԱՊԿ գլխավոր քարտուղար Յուրի Խաչատուրովին մեղադրանքների առաջադրումը Մարտի 1-ի գործով: «Լավրովը կոչ է արել ՀՀ իշխանություններին ամրապնդել ազգային միասնությունն ու կայունությունը: Նույն Լավրովը նման մտահոգություն չէր հայտնում, երբ 2008-ի մարտին նախագահ Քոչարյանին հավատարիմ ոստիկանությունն ու զինվորակնները ցրեցին ընդդիմության բողոքի ակցիաները Երևանում»,-ասվում է հոդվածում: Նշվում է, որ Քոչարյանն ու Սարգսյանը բազմաթիվ կողմնակիցներ ունեն, կա խմբակցություն խորհրդարանում, կան կողմնակիցներ ԶԼՄ-ներում: Ըստ հեղինակի, առաջիկա դատական լսումները ՀՀ ժողովրդավարության կարևորագույն քննությունը կլինեն անկախացումից հետո: Հոդվածում ասվում է նաև, որ պաշտոնական Մոսկվան կատաղած է: «Նախ այն պատճառով, որ իր կողմնակիցների դատական հետապնդման փաստն ինքնին ընկալվում է որպես ՀՀ հետ քաղաքականության հարցում ՌԴ իշխող դիրքորոշմանն ուղղված քաղաքական մարտահրավեր: Երկրորդը, դատավարության ընթացքում կարող է քննարկվել նաև Կլեմլի դերը 2008-ի բողոքների ճնշման գործում: Հազիվ թե Քոչարյանը լռի: Նրա համար, հավանաբար, պաշտպանվելու գծերից մեկը կլինի Պուտինի ճնշումների վրա հղումը: Եվ երրորդը՝ Փաշինյանի սկսած հակակոռուպցիոն պայքարը գնալով ավելի է մտահոգում ՌԴ ղեկավարությանը, քանի որ կոռուպցիան Կրեմլի համար հետխորհրդային տարածքում ազդեցությունը պահպանելու հիմնական միջոցներից է»,-ասվում է հոդվածում: Նշվում է, որ Հայաստանի և Լեռնային Ղարաբաղի անկախությունը կախված են Ռուսաստանից՝ դա չի վիճարկում նաև Փաշինյանը: «Մոսկվա այցի ժամանակ նա գովերգեց ՀԱՊԿ-ն ու Մաքսային միությունը՝ Մոսկվայի 2 գլխավոր նախագիծը հետխորհրդային երկրներում, սակայն ՀՀ վարչապետն իր առաջնայնություններն ունի: Նրանից պահանջում են պայքար կոռուպցիայի դեմ, տնտեսության վերելք, ներդրումներ: Վստահության մանդատը շատ արագ կարող է սպառվել»,-ասվում է հոդվածում: Ըստ հեղինակի, Կրեմլին չի գոհացնում ՀՀ արտաքին քաղաքականության լոյալությունը, նրան լիակատար վերահսկողություն է պետք և յուրօրինակ մոսկովյան կայունություն, որն ապահովվում է ստվերային պայմանավորվածություններով: Ըստ հեղինակի, նույնիսկ դաշնակիցների հետ հարգալից տոնով խոսելու և ներքին քաղաքականության (որը Հայաստանում շատ ավելի ժողովրդավարական է ու ազատ) նրբությունների մեջ խորանալու Կրեմլի անկարողությունը դեպի նոր պարտություններ կտանի Մոսկվային հետխորհրդային տարածքում: Վերջին օրերին լարվածություն է առաջացել հայ-ռուսական հարաբերություններում,կապված Մարտի 1-ի գործով ՀՀ երկրորդ նախագահ Ռոբերտ Քոչարյանի կալանավորման և ՀԱՊԿ գլխավոր քարտուղար Յուրի Խաչատուրովին մեղադրանքներ առաջադրելու հետ: Ըստ «Կոմերսանտի» աղբյուրների ՌԴ պետականա կառույցներում, Մոսկվային հատկապես նյարդայնացրել են ՀԱՊԿ գլխավոր քարտուղար Յուրի Խաչատուրովի դեմ առաջ քաշված մեղադրանքները: Կրեմլում դա լուրջ հարված են համարում ռազմական դաշինքի հեղինակությանը և չեն բացառում, որ ՀԱՊԿ-ը կարող է ղեկավարել մեկ այլ երկրի ներկայացուցիչ: Ավելին, ըստ պարբերականի, հարցականի տակ է հայտնվել նաև 100 մլն դոլարի զենքի առաքումը Հայաստանին, որը նախատեսված է 2018-ի համար: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |