Մոսկվայում Հալաբյանի հուշարձանի կանգնեցման շուրջ վեճեր են ծագել23 հոկտեմբերի 2018 - 17:34 AMT PanARMENIAN.Net - Մոսկվայում որոշել են կանգնեցնել հայտնի ճարտարապետ, ԽՍՀՄ Ճարտարապետների միության հիմնադիր, ԽՍՀՄ Ճարտարապետության ակադեմիայի փոխնախագահ Կարո Հալաբյանի հուշարձանը: Ծախսերն իր վրա է վերցրել հայկական կողմը: Մոսկվայի քաղաքային Դումային կոմիտեն արդեն հավանություն է տվել նախագծին, սակայն հասարակության որոշ ներկայացուցիչներ կտրուկ դեմ են: Դեմ արտահայտվողներին չի գոհացնում հայտնի ճարտարապետի կերպարը՝ ասվում է, թե իբր նա 30-40-ականներին նպաստել է նրան, որ իր տաղանդավոր գործընկերները չունենան ստեղծագործելու հնարավորություն: «Ինձ համար նա հակահերոս է, մի մարդ, որը կործանել է մեր շատ հայտնի ճարտարապետների ճակատագրերը»,-ասել է Մոսկվայի թանգարանի ավագ գիտաշխատող Ալեքսանդրա Սելիվանովան, գրում է tvc.ru-ն: Սելիվանովան ստորագրահավաք է սկսել հուշարձանի տեղադրման դեմ: Սակայն շատերը գերադասում են գնահատել Հալաբյանին որպես պրոֆեսիոնալի: Նա եղել է Կարմիր բանակի կենտրոնական թատրոնի նախագծի հեղինակներից մեկը, հեղինակել է «Կրասնոպրեսնենսկայա» մոսկովյան մետրոյի կայարանի նախասրահը, Հայկական ԽՍՀ տաղավարը Գյուղատնտեսության համամիութենական ցուցահանդեսում: Պատերազմի տարիներին քողարկիչ նախագծեր է ստեղծել ավիացիայից ռազմական գործարանները պաշտպանելու համար, իսկ պատերազմից հետո դարձել է Ստալինգրադի վերականգնման գլխավոր հատակագծի հեղինակը: Նրա ավանդը ճանաչել են ոչ միայն ԽՍՀՄ-ում, 1936-ին նա դարձել է Բրիտանիայի ճարտարապետների թագավորական ինստիտուտի պատվավոր թղթակից-անդամը, 1939-ին ՝ Նյու Յորքի պատվավոր քաղաքացի՝ միջազգային ցուցահանդեսում ԽՍՀՄ տաղավարի համար, գրում է պարբերականը: Նշվում է, որ դժվար է կանխատեսել կհաջողվի արդյոք փոխզիջման հասնել: ՌԴ-ում ՀՀ դեսպանատան ներկայացուցիչները հուսով են, որ կարող են ապացուցել, որ Հալաբյանն արժանի է հուշարձանի: «Հուշարձանի տեղադրման հակառակորդները մտադիր են առաջարկել հայկական կողմին անթերի հեղինակությամբ մի այլ կերպար առաջարկել: Եթե այդպիսիք ընդհանրապես եղել են արվեստի պատմության մեջ»,-ասվում է հոդվածում: 1932 թվականից Կարո Հալաբյանի ստեղծագործական, գիտական և հասարակական գործունեությունը ծավալվել է Մոսկվայում։ Հայրենական պատերազմի տարիներին Հալաբյանը ճարտարապետական ակադեմիայի ղեկավար աշխատանքը համատեղել է կարևորագույն արդյունաբերական և պաշտպանական կառույցների քողարկման նախագծման հետ՝ գլխավորելով ակադեմիային առընթեր հատուկ արվեստանոցը։ Նախագծել է Սովետական բանակի թատրոնի շենքը Մոսկվայում (1940), Սոչիի ծովային կայարանը (1950), Մոսկվայի Խիմկի–Խովչինո խոշոր բնակելի զանգվածը (1962)։ Ստեղծել է Կ. Մարքսի, Ս. Շահումյանի, Կամոյի դիմաքանդակները։ Հղումներ թեմայով. Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |