ԱԳՆ. Կործանված ինդոնեզական օդանավում հայեր կամ ՀՀ քաղաքացիներ չկան

ԱԳՆ. Կործանված ինդոնեզական օդանավում հայեր կամ ՀՀ քաղաքացիներ չկան

PanARMENIAN.Net - ՀՀ արտաքին գործերի նախարարությունը հայտարարել է, որ ըստ նախնական տվյալների՝ հոկտեմբերի 29-ին Ինդոնեզիայում վթարի ենթարկված ինքնաթիռի ուղևորների և անձնակազմի շարքում ՀՀ քաղաքացիներ կամ հայեր չկան:

Ավելի վաղ կործանվել է ինդոնեզական Lion Air ավիաընկերության Boeing 737 MAX 8 ինքնաթիռը, որում եղել Է 189 մարդ, այդ թվում՝ անձնակազմի յոթ անդամը, հայտնում է միջազգային մամուլը:

Ինքնաթիռը Ջակարտայից Պանկալպինանգ էր ուղևորվում: Այն ռադարների Էկրաններից անհետացել Է թռիչքից ավելի քան 10 րոպե անց, ընկել ծովը:

Որոնողական աշխատանքների արդյունքում հաջողվել է հայտնաբերել ինքնաթիռի մասերը, ուղևորների իրերը: Աշխատանքները շարունակվում են:

 Ուշագրավ
Նա ասել է, որ ՌԴ-ն քիչ ջանք չի գործադրել հայ-ադրբեջանական սահմանին հրադադարի ռեժիմը վերականգնելու համար
Բոստոնի համալսարանում սովորելու հնարավորությունը խոստումնալից երիտասարդը ստորադասեց Հայրենիքի պաշտպանությանը
Նա նշել է, որ ակնկալում էր զեկույցում տեսնել հիշատակումներ հայ ռազմագերիների, պատանդների վերաբերյալ