Լեգենդար հետախույզ Գոհար Վարդանյանը 93 տարեկան է25 հունվարի 2019 - 13:50 AMT PanARMENIAN.Net - Լեգենդար հետախույզ Գոհար Վարդանյանն, որն առավելապես հայտնի է 1943թ. Թեհրանի կոնֆերանսին 3 գերտերության ղեկավարների անվտանգության ապահովման գործողությամբ, նշում է ծննդյան 93-րդ տարեդարձը: Գոհար Վարդանյանն օպերտիվ աշխատանք է կատարել ավելի քան 30 տարի, իսկ ընդհանուր աշխատանքային ստաժը 47 տարուց ավելի է: Թոշակի անցնելով` Գոհար Վարդանյանը շարունակում է մեծ աշխատանք կատարել երիտասարդ մասնագետների պատրաստման գործում` փոխանցելով նրանց իր հարուստ փորձը: ՌԴ Արտաքին հետախուզության ծառայությունը (ԱՀԾ) շնորհավորել է նրան ծննդյան օրվա կապակցությամբ: «Այս տոնական օրը Գոհար Լևոնովնայի բոլոր գործընկերները, աշխատակիցներն ու հետախուզության վետերանները միանում են մեր շնորհավորանքներին և մաղթում նրան առողջություն, երկար տարիների կյանք, ուրախություն և հիանալի տրամադրություն»,-ասել է ԱՀՇ-ի մամուլի ծառայության ղեկավար Սերգեյ Իվանովը, հայտնում է ՏԱՍՍ-ը: Նա նաև պատմել է Գոհար Վարդանյանին նվերներ հանձնելու ձևավորված ավանդույթի մասին, որոնք Ռուսաստանի տարբեր անկյուններում ապրող մարդիկ սեփական ձեռքերով են պատրաստում: Գոհար Լևոնի Վարդանյանը ծնվել է 1926 թ. հունվարի 25-ին Գյումրիում: 1930-ականներին նա ընտանիքի հետ բնակության է տեղափոխվել Իրան:16 տարեկանում Գոհարը գիտակցաբար ընտրել է Հայրենիքին անմնացորդ նվիրվելու ճանապարհը` դառնալով իր ապագա ամուսնու և զինակից ընկերոջ Գևորգ Վարդանյանի հակաֆաշիստական խմբի անդամ: Վարդանյանների հետախուզական գործունեության պատմության մեջ առանձնահատուկ է 1943-ը, երբ Թեհրանում կայանալիք կոնֆերանսին պետք էր ապահովել 3 գերտերության ղեկավարների (Իոսիֆ Ստալին, Ֆրանկլին Ռուզվելտ, Ուինսթոն Չերչիլ) անվտանգությունը։ Այդ իրադարձությունները հիմք հանդիսացան հայտնի «Թեհրան-43» ֆիլմի համար: 1951-ին Վարդանյաններին ԽՍՀՄ գործուղեցին, 1956-ին Գոհար Վարդանյանն ավարտեց Երևանի պետական համալսարանի օտար լեզուների ֆակուլտետը: Ուսման տարիներին հաջորդեց հետախույզ Վարդանյանների ամուսնական զույգի բազմամյա աշխատանքն աշխարհի տարբեր երկրներում էքստրեմալ պայմաններում: Գևորգ Վարդանյանի կողքին միշտ եղել է նրա կինը, համախոհն ու գործընկերը՝ Գոհար Վարդանյանը, ով հայրենիքին մատուցած հետախուզական ծառայությունների համար պարգևատրվել է Կարմիր դրոշի շքանշանով։ Հետախուզական վերջին գործուղումից Վարդանյանները վերադարձել են 1986-ին։ Մի քանի ամիս անց Գոհար Վարդանյանն անցել է թոշակի, իսկ Գևորգ Վարդանյանն իր ծառայությունը շարունակել է մինչև 1992-ը: Ընթերցեք նաև. Քողարկված կյանք. Լեգենդար հետախույզ Գևորգ Վարդանյանը կդառնար 90 տարեկան Հղումներ թեմայով. Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա Ամենաընթերցվողը բաժնում | Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը Աբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին Աբրահամյանն ու Օհանյանը սահմանազատմանը վերաբերող հարցեր են քննարկել ԵՄ դեսպանի հետ Բաքվի բանտերում գտնվող Արցախի նախկին ռազմաքաղաքական ղեկավարների խնդիրը |