Ռուսաստանը մտադիր չէ ստեղծել գազային OPEC

11 նոյեմբերի 2008 - 17:40 AMT

PanARMENIAN.Net - Ռուսաստանը մտադիր չէ գազ արտահանող երկրների Ֆորումի հիմքի վրա միջազգային կարտել ստեղծել: Այդ մասին Եգիպտոսի իր գործընկեր Ահմեդ Նազիֆի հետ հանդիպմանը հայտնել է ՌԴ վարչապետ Վլադիմիր Պուտինը: Ավելի վաղ այլ ռուս պաշտոնյաներ արդեն մի անգամ չէ, որ հայտարարել են, որ նավթ արտահանող երկրների Կազմակերպության նմանությամբ գազային OPEC չեն ստեղծելու:

«Մենք գիտենք այն վախերի մասին, որոնք հնչում են էներգոռեսուրսների որոշ սպառող երկրներից. այդ վախերի համար ոչ մի հիմքեր չկան»,- նշել է Ռուսաստանի վարչապետը: Ընդ որում, Պուտինը նշել է, որ էներգահումքի արդյունաբերող երկրները պետք է կողմնորոշեն իրենց գործողությունները, փոխանակվեն տեղեկատվությամբ, անեն ամեն բան, որպեսզի համաշխարհային շուկաներն ապահովեն ածխաջրածնային հումքի անընդհատ մատակարարմամբ, հաղորդում է «Ինտերֆաքսը»:

Գազ արտահանող երկրների ֆորումը միջազգային կառույց է, որի շրջանակներում փոխանակվում են երկիր մասնակցի գազի արդյունահանման եւ վաճառքի տվյալներով: Այդ կազմակերպությունը չի կարող ազդել գազի գնի վրա աշխարհում: Ֆորումի հավաքներն անցկացվում են ամեն տարի, իսկ մոտակա հավաքը կկայանա 2008թ. նոյեմբերի կեսերին: Դրանում մշտական մասնակցություն են ցուցաբերում Ալժիրը, Բոլիվիան, Բրունեյը, Վենեսուելան, Եգիպտոսը, Ինդոնեզիան, Իրանը, Քաթարը, Լիբանանը, Ռուսաստանը եւ եւս 6 երկիր:

«Գազային OPEC»-ի ստեղծման մասին 2007թ. սկզբին խոսք բացեց Իրանը, որի իշխանությունների կարծիքով կարտելի մեջ պետք է մտնեն Ռուսաստանը, Քաթարը, Ալժիրը եւ մի քանի այլ երկիր: Ընդ որում, գազի շատ սպառողներ, այդ թվում` Եվրամիությունն ու ԱՄՆ-ն, արտահայտվեցին նման «գազային OPEC»-ի ստեղծման դեմ` վախենալով շուկայում մենատիրության հաստատումից:

Ռուսաստանն աշխարհում առաջին տեղն է զբաղեցնում իր գազի պահեստներով, Իրանը` երկրորդ, Քաթարը` երրորդ:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով