ՀՀ-ում գործունեության տեսակների հանդեպ ժամանակավոր սահմանափակումների թարմացված ցանկը

PanARMENIAN.Net - ՀՀ պարետ Տիգրան Ավինյանի որոշմամաբ հրապարակվել է արտակարգ դրության ռեժիմով պայմանավորված՝ տնտեսական գործունեության տեսակների հանդեպ կիրառվող ժամանակավոր սահմանափակումների թարմացված ցանկը։

«Տնտեսական գործունեության չարգելված տեսակներով թույլատրվում է զբաղվել բացառապես այս որոշմամբ սահմանված սանիտարահամաճարակային կանոնների պահպանման պայմանով։ Խախտումների դեպքում առանձին տնտեսվարող սուբյեկտների գործունեությունը կարող է ժամանակավորապես դադարեցվել»,- գրել է Ավինյանը։

Որոշմամբ սահմանված է նաև կուտակումների բացառման, հաճախորդներին դիմակներով սպասարկելու, ավագ սերնդի ներկայացուցիչների անվտանգության ապահովման և այլ պահանջներ։

ՀՀ-ում մարտի 16-ից մինչև ապրիլի 14-ն արտակարգ դրություն է՝ կորոնավիրուսի տարածումը կանխելու համար: Մարտի 25-ից երկրում 7 օրով գործում է քաղաքացիների տեղաշարժի սահմանափակում: Հայաստանում մարտի 27-ի առավոտվա դրությամբ կորոնավիրուսով վարակի դեպքերի թիվը հասել է 329-ի: Ապաքինվել է 28 անձ, մեկը մահացել է:

Առողջապահության նախարարությունում գործում է շուրջօրյա «թեժ գիծ» ծառայություն 8003 և «օպերատիվ զանգերի կենտրոն» 060838300 հեռախոսահամարներով:

Ընթերցեք նաև․ Կորոնավիրուսից խուսափելու համար խորհուրդներ` ԱՀԿ-ից