Մարտի 1-ի գործով տուժածների իրավահաջորդները չեն մասնակցի դատերին. Ֆարս են համարում 7 սեպտեմբերի 2020 - 15:11 AMT PanARMENIAN.Net - Մարտի 1-ի գործով տուժողների իրավահաջորդները դադարեցնում են մասնակցությունը դատական նիստերին՝ համարելով, որ դատաքննությունը վերածվել է թանկարժեք ժամավաճառության և ֆարսի։ Այդ մասին ֆեյսբուքյան իր էջում հայտարարել է իրավահաջորդների ներկայացուցիչ Տիգրան Եգորյանը: Ըստ նրա՝ նախաքննությունը, ըստ էության, դադարեցված է։ «Մենք դադարեցնում ենք մեր ֆիզիկական մասնակցությունն այդ անբովանդակ միջոցառմանը։ Մեր հետագա քայլերին կանդրադառնանք՝ ըստ զարգացումների»,- գրել է նա։ Գրառման մեջ նշվում է նաև, որ «դատարանի բակում և դատական նիստերի դահլիճում տիրում է կամայականություն ու թողտվություն», իսկ «նախագահող դատավորն իր իշխանությունը կարողանում է իրականացնել միայն տուժողների իրավահաջորդների նկատմամբ»։ Կառավարության որոշմամբ Մարտի 1-ի իրադարձությունների ժամանակ տուժած անձանց և զոհվածների իրավահաջորդներին օրենքով միանվագ դրամական օգնություն է տրամադրվել: Զոհվածների իրավահաջորդներին տրամադրվել է 30 մլն դրամ, առողջությանը ծանր վնաս հասցված անձանց՝ 15 մլն դրամ։ 2008-ի փետրվարի վերջին, ՀՀ նախագահի փետրվարի 19 ընտրությունների արդյունքներից դժգոհ քաղաքացիները՝ ՀՀ առաջին նախագահ Լևոն Տեր-Պետրոսյանի գլխավորությամբ հանրահավաքներ ու նստացույց էին անցկացնում Ազատության հրապարակում: Մարտի 1-ի վաղ առավոտյան ոստիկանությունը ցրեց նրանց: Ցուցարարները հավաքվեցին Մյասնիկյանի արձանին հարող հրապարակում՝ և սկսվեց ինքնաբուխ հանրահավաք։ Ավելի ուշ հայտարարվեց պարետային ժամ, մայրաքաղաք մտցվեցին բանակային ստորաբաժանումներ: Բախումների արդյունքում զոհվեց տասը մարդ: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Զախարովա․ ՌԴ–ն չի առաջարկել ՀՀ-ին դուրս բերել իր բոլոր սահմանապահներին Նա սուտ է անվանել այդ տեղեկությունները Բաքվի դատարանը 5 ամսով երկարացրել է Արցախի նաև մյուս ղեկավարների ապօրինի կալանքը Դատարանը բավարարել է ներկայացված միջնորդությունները Խաչատուրյանը և ՎԶԵԲ նախագահը քննարկել են ՀՀ կապիտալի շուկայի զարգացումը, ենթակառուցվածքների ֆինանսավորումը Կողմերը երկուստեք բարձր են գնահատել համատեղ իրականացվող ծրագրերը ԲՏԱ նախարարն ու Նուբար Աֆեյանը խոսել են ներդրումային հիմնադրամ ստեղծելու հայեցակարգի մասին Նուբար Աֆեյանն ընդգծել է Հայաստանի զարգացմանն ուղղված ծրագրերի կարևորությունը |