Փաշինյան․ Արցախի ճանաչման հարցն օրակարգում կա, լրջորեն կքննարկվի

Փաշինյան․ Արցախի ճանաչման հարցն օրակարգում կա, լրջորեն կքննարկվի

PanARMENIAN.Net - Հայաստանը քննարկում է բոլոր հնարավոր սցենարներն Արցախի ճանաչման հարցի վերաբերյալ, այն օրակարգում է, հայտնել է վարչապետ Նիկոլ Փաշինյանն ԱԺ հատուկ նիստի ժամանակ «Լուսավոր Հայաստանից» Էդմոն Մարուքյանի հարցին պատասխանելիս։

Վերջինիս հարցը վերաբերում էր նրան, որ ՀՀ-ն չէր ճանաչում Արցախի անկախությունը լայնածավալ պատերազմից խուսափելու համար․ այժմ լայնամասշտաբ պատերազմը սկսել է՝ արդյո՞ք այդ հարցը լինելու է օրակարգում։

Ի պատասխան Փաշինյանն ասել է, որ հարցն օրակարգում էղել է և կա, իսկ կգնա Հայաստանն այդ քայլին, թե՝ ոչ, կախված պետք է լրջորեն քննարկվի։

«Գործնականում հիմա գուցե հանրային քննարկումներ սկսվեն: Մենք քննարկում ենք հնարավոր բոլոր սցենարները, մեծ հաշվով, դուք ձևակերպեցիք հարցերի շրջանակը»:

Մարուքյանը հիշեցրել է, որ 2016-ին Ապրիլյան պատերազմից հետո Հայաստան-Արցախ ռազմաքաղաքական դաշինքի գաղափար էր առաջացել, որն այդպես էլ չիրագործվեց. «Մեր զինանոցում մնացել էր Արցախի ճանաչման հարցը: Մենք ինչ-որ ունեինք կորցնելու, հիմա մեծ հաշվով դրա մեջ ենք: Այո, ես կոչ եմ անում Հայաստանում լայն քննարկումներ սկսել Արցախի ճանաչման հարցի և դրա հետագա լուծման առումով»:

Փաշինյանը նշել է, որ նույնը վերաբերում է նաև Ստեփանակերտի հետ ռազմաքաղաքական դաշինք կնքելու հարցին։

 Ուշագրավ
Նա մեկնել է կարճատև աշխատանքային այցով
ԱԳՆ-ից նշել են, որ միջոցներ են ձեռնարկելու տեղում հրադադարի ռեժիմի պահպանման և ստուգման մեխանիզմների ներդրման համար
ՀՀ վարչապետ Նիկոլ Փաշինյանը ակնարկել է, որ ստացել է նման երաշխիք ռուսական կողմից
Նախարարը նշել է, որ հանդիպում է բողոքող այն խմբերի հետ, որոնք օրակարգ ունեն, իսկ իր օրակարգի հարցը ոլորտի բարեփոխումներն են և ոլորտ նորություն բերելը