ՌԴ Պետդումայում կքննարկվի ԼՂ-ում իրավիճակի վերաբերյալ հայտարարությունը 29 սեպտեմբերի 2020 - 12:54 AMT PanARMENIAN.Net - ՌԴ Պետական դուման ընդլայնված նիստում քննարկելու է Լեռնային Ղարաբաղում իրավիճակի վերաբերյալ որոշման նախագիծը, գրում է ՌԻԱ Նովոստին։ Ավելի վաղ Պետդումայի պատգամավորները հայտարարություն էին պատրաստել ուժի կիրառման անթույլատրելիության և Լեռնային Ղարաբաղում կրակը դադարեցնելու անհրաժեշտության մասին։ Խորհրդարանականները փաստաթղթում կոչ են անում կողմերին վերադառնալ բանակցություններին և պատրաստակամություն հայտնում միջնորդ դառնալ իրավիճակը կայունացնելու գործում։ ՌԴ խորհրդարանի ստորին պալատը ևս հայտարարում է, որ կողմերը պետք է անհապաղ դադարեցնեն կրակը, կոչ է անում թույլ չտալ առճակատման հետագա սրում և նշում է, որ խաղաղ կարգավորումն այլընտրանք չունի։ Հայտարարությունն ուղարկվելու է ՌԴ նախագահին, ՌԴ կառավարությանը, ՀՀ և Ադրբեջանի խորհրդարաններ, ԵԱՀԿ Մինսկի խմբի համանախագահներին, ՀԱՊԿ ԽՎ-ին, ԱՊՀ ՄԽՎ-ին, ԵԽԽՎ և ԵԱՀԿ ԽՎ։ Ավելի վաղ Արցախի Պաշտպանության բանակը զգուշացրել է, որ ստիպված է օգտագործել մեծ մակերեսների վրա կրակային խոցման սպառազինության տեսակներ։ Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ Արցախի զինված ուժերում 84 զոհ կա: Ռազմական գործողություններից անմիջապես հետո ՀՀ-ում հարյուրավոր մարդիկ կամավոր Արցախ մեկնելու պատրաստակամություն են հայտնել։ ՀՀ-ում ու Արցախում ռազմական դրություն է հայտարարվել։ ՀՀ-ից պահեստազորում հաշվառվածների ելքն արգելված է։   Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Վերջին լուրեր ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին»  Նամակի բովանդակությունը հայտնի չէՓաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նաՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում ենԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |
