Ալիևի օգնականը Գյանջայում ենթադրաբար թուրք զինվորականի լուսանկար է հրապարակել և ջնջել այն 4 հոկտեմբերի 2020 - 14:09 AMT PanARMENIAN.Net - Ադրբեջանի նախագահի օգնական Հիքմեթ Հաջիևը Twitter-ում հրապարակել է ադրբեջանական Գյանջա քաղաքում փլատակների մոտ արված լուսանկարներ, որոնցում երևում է թուրքական դրոշի թևկապով և զինվորական համազգեստ հիշեցնող հանդերձանքով տղամարդ։ Ավելի ուշ Հաջիևը ջնջել է լուսանկարը։ Դա ևս մեկ վկայություն է այն բանի, որ թուրքական կողմն անմիջական ներգրավվածություն ունի Ադրբեջանի սանձազերծած պատերազմական գործողություններում։
Հոկտեմբերի 3-ին ՀՀ վարչապետ Նիկոլ Փաշինյանը հայտնել էր, որ ըստ տեղեկությունների՝ 150 թուրք բարձրաստիճան զինվորական Ադրբեջանում ղեկավարում է ռազմական գործողությունները։ Մարտերի առաջին վայրկյաններից Ադրբեջանն ինտենսիվ հրետակոծում և երբեմն նաև ռմբակոծում է Արցախի քաղաքացիական ենթակառուցվածքները, այդ թվում՝ մայրաքաղաք Ստեփանակերտում։ Հոկտեմբերի 4-ի առավոտյան Արցախը զգուշացրել էր Ադրբեջանի քաղաքացիական բնակչությանը, որ հարվածներ է հասցնելու մեծ քաղաքներում ռազմական օբյեկտներին։ Դրանից քիչ անց հայտարարվեց Գյանջայի ռազմական օդանավակայանի ոչնչացման մասին։ Ավելի ուշ Արցախի նախագահ Արայիկ Հարությունյանը հայտարարեց, որ իր հրամանով ժամանակավորապես դադարեցվել է կրակը Գյանջայի ռազմական օբյեկտների վրա՝ քաղաքացիական անմեղ զոհերից խուսափելու նպատակով։ Իսկ եթե հակառակորդը հետևություններ չանի, հայկական բանակը շարունակելու է համաչափ ու հուժկու հարվածները: Թուրքիան Ադրբեջանին աջակցում է ոչ միայն հայտարարություններով, այլև զինտեխնիկայով և սպառազինությամբ։ Հայկական կողմի դեմ օգտագործվում են Թուրքիային պատկանող F-16 կործանիչներ, անօդաչու թռչող սարքեր։ Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ Հրետակոծություններից վիրավորվել են նաև տեղացի և ֆրանսիացի լրագրողներ։ ՀՀ-ում և Արցախում ռազմական դրություն է հայտարարված։ Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Հայկական առաջին բանկը Ֆասթեքսվերսում․ Ֆասթ Բանկը ներկայացնում է իր վիրտուալ տարածքը Oգտատերերը ևս կարող են ստեղծել իրենց սեփական ավատարները Երևանում իրազեկման ակցիաներ են անցկացվել, փողոցներ փակվել Դավթաշենում քաղաքացիները 15 րոպեով փակել էին ճանապարհը ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր |