Ահաբեկչին գերեվարած 5 հոգանոց խմբի անդամները պարգևատրվել են 2 նոյեմբերի 2020 - 13:51 AMT PanARMENIAN.Net - Արցախի նախագահ Արայիկ Հարությունյանը մի խումբ կամավորների է պարգևատրել, այդ թվում՝ սիրիացի վարձկան ահաբեկչին գերեվարած 5 հոգանոց խմբի անդամներին։ Այդ մասին նա գրառում է կատարել ֆեյսբուքյան իր էջում։ Բալայանի անվան կամավորական ջոկատի անդամներ՝ Վլադիմիր Բալայանի որդի Ալեքսեյը պարգևատրվել է «Մարտական խաչ» առաջին աստիճանի շքանշանով։ «Մարտական խաչ» երկրորդ աստիճանի շքանշանով են պարգևատրել կամավորներ Արմեն Բաղունցը, Արթուր Մնացականյանը և Հարութ Խաչատրյանը։ «Արիության» մեդալով հետմահու պարգևատրվել են Շահեն Մեղրյանի զինվորական ջոկատի կամավորականներ Գևորգ Կիրակոսյանը, Մխիթար Գրիգորյանը, Էրիկ Պողոսյանը, Հրայր Ասրյանը և Էդիկ Հայրապետյանը։ «Հայոց պատմության այս կարևորագույն շրջափուլում, երբ վտանգված են մեր ժողովրդի անվտանգությունն ու մեր ազգային շահերը, նրանց դերակատարությունն անգնահատելի է, ինչպես և եղել է Վլադիմիր Բալայանի ու Շահեն Մեղրյանի դեպքում: Հայրենի հողի փրկության համար նրանց գործած սխրանքների մասին խոսելու դեռ շատ առիթներ կունենանք, բայց հընթացս պարտավոր ենք հանդիպել, քննարկել իրավիճակը և պարգևատրել»,-ասվում է նախագահի գրառման մեջ: Արայիկ Հարությունյանը նաև տեսանյութ է հրապարակել։
Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։ Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսին Առաջին դասարանցիների հայտագրումը կսկսվի հունիսի 10–ից Այն կիրականացվի 3 փուլով Ադրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում են Վարչապետի աշխատակազմում անհեթեթ են անվանել Բագրատ սրբազանի՝ ՔՊ բարձրաստիճան անդամների` իրենց միանալու հայտարարությունը «Անհեթեթ է անդրադառնալ նման հարցադրմանը»,–ասել են աշխատակազմից |