 Կանադայի ԱԳՆ․ Ակնկալում ենք, որ Բաքուն խստորեն կկատարի իր ստանձնած պարտավորությունները 12 նոյեմբերի 2020 - 13:51 AMT PanARMENIAN.Net - Կանադայի արտգործնախարար Ֆրանսուա Ֆիլիպ Շամպայնը հայտարարել է՝ ակնկալում են, որ Ադրբեջանը խստորեն կկատարի իր ստանձնած պարտավորությունները, իսկ Թուրքիան դուրս կգա հակամարտությունից։ Այդ մասին նա գրել է Twitter-ի իր միկրոբլոգում։ «Մենք ակնկալում ենք, որ Ադրբեջանը խստորեն կհարգի իր ստանձնած պարտավորությունները, և մարտական գործողություններն անհապաղ և ընդմիշտ կդադարեն։ Ինչպես նախկինում արդեն հայտարարել ենք՝ Թուրքիան պետք է դուրս մնա հակամարտությունից։ Կանադան աշխատում է Լեռնային Ղարաբաղում հրադադարի մասին ձեռք բերված համաձայնության պայմաններն ու հետևանքներն ուսումնասիրելու ուղղությամբ իր միջազգային գործընկերների հետ։ Ես մշտական կապի մեջ եմ ՀՀ ԱԳ նախարարի հետ՝ պարզելու, թե ինչպես կարող է Կանադան այս դժվարին ժամանակներում շարունակել աջակցել Հայաստանի ժողովրդին, ում հետ մեր ժողովուրդն ամուր կապեր և ընդհանուր արժեքներ ունի»,- ասվում է գրառման մեջ։ Հայտարարության մեջ նաև ասվում է, որ հայտարարված հրադադարից հետո կայուն խաղաղ կարգավորման հասնելու համար կողմերը պետք է բանակցեն ԵԱՀԿ Մինսկի խմբի համանախագահության շրջանակում», – նշված է Կանադայի ԱԳ նախարարի հայտարարությունում։ Սեպտեմբերի 27-ից Արցախի դեմ Ադրբեջանը պատերազմն էր սանձազերծել՝ ահաբեկիչ-վարձկանների ու թուրքերի անմիջական աջակցությամբ։ Նոյմեբրեի 10-ին վարչապետ Նիկոլ Փաշինյանը հայտարարել էր, որ ՌԴ ու Ադրբեջանի նախագահների հետ պատերազմի դադարեցման փաստաթուղթ է ստորագրել։ Ըստ դրա՝ Ադրբեջանը և Հայաստանը կանգ են առնում իրենց զբաղեցրած դիրքերում: Իսկ ՌԴ խաղաղապահները տեղակայվում են ԼՂ շփման գծի երկայնքում և Հայաստանի հետ կապող միջանցքում: Photo. AFP   Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Վերջին լուրեր ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին»  Նամակի բովանդակությունը հայտնի չէՓաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նաՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում ենԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |
