ԱՄՆ-ն և Ֆրանսիան պարզաբանման են սպասում ՌԴ-ից՝ ԼՂ-ում մարտերի դադարեցման գործում Թուրքիայի դերի մասին17 նոյեմբերի 2020 - 11:52 AMT PanARMENIAN.Net - ԱՄՆ-ն և Ֆրանսիան առավել մեծ պարզություն են ակնկալում Ռուսաստանից Լեռնային Ղարաբաղում հրադադարի հաստատման պայմանների, ինչպես նաև Թուրքիայի դերակատարման մասին այդ պայմանավորվածություններում։ Այդ մասին հայտարարվել է ԱՄՆ Պետդեպարտամենտի բարձաստիճան ներկայացուցչի ճեպազրույցում։ Անդրադարձ է եղել պետքարտուղար Մայք Պոմպեոյի և Ֆրանսիայի ԱԳՆ ղեկավար Ժան Իվ Լե Դրիանի բանակցություններին։ «Նրանք շատ են խոսել Լեռնային Ղարաբաղի մասին։ Որպես ԵԱՀԿ Մինսկի խմբի համանախագահ երկրներ, համակարծիք են, որ հավատարիմ են ԵԱՀԿ ՄԽ-ում համանախագահների իրենց դերակատարմանը»,- ասել են ԱՄՆ դիվանագետները, գրում է ՏԱՍՍ-ը։ Նշվել է, որ «ԱՄՆ և Ֆրանսիայի ԱԳ գերատեսչությունների ղեկավարները ընդունելի են համարում ՌԴ գործողությունները, որոնք հանգեցրել են հրադադարին, որը փաստացի պահպանվում է արդեն 1 շաբաթ, սակայն, նշել են նաև, որ դեռևս շատ հարցեր են մնում, որոնք պարզաբանում են պահանջում ՌԴ կողմից այդ համաձայնության պարամետրերի և Թուրքիայի դերակատարման մասով»։ Le Figaro-ին հարցազրույցում Պոմպեոն հայտարարել է, որ ԼՂ կարգավորման գործընթացը պետք է ընթանա ԵԱՀԿ Մինսկի խմբի շրջանակում։ Սեպտեմբերի 27-ից Արցախի դեմ Ադրբեջանը պատերազմ էր սանձազերծել՝ ահաբեկիչ-վարձկանների ու թուրքերի անմիջական աջակցությամբ։ Նոյեմբերի 10-ին վարչապետ Նիկոլ Փաշինյանը հայտարարեց, որ ՌԴ ու Ադրբեջանի նախագահների հետ պատերազմի դադարեցման փաստաթուղթ է ստորագրել։ Ըստ դրա՝ Ադրբեջանը և Հայաստանը կանգ են առնում իրենց զբաղեցրած դիրքերում: Իսկ ՌԴ խաղաղապահները տեղակայվում են ԼՂ շփման գծի երկայնքում և Հայաստանի հետ կապող միջանցքում: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |