  Պեսկով․ ԼՂ-ում զինադադարի գլխավոր արդյունքն այն է, որ այլևս զոհեր չկան 17 նոյեմբերի 2020 - 15:00 AMT PanARMENIAN.Net - ՌԴ նախագահի խոսնակ Դմիտրի Պեսկովը հայտարարել է, որ Լեռնային Ղարաբաղում զինադադարի գլխավոր արդյունքն այն է , որ «հրանոթները լռել են» և մարդիկ այլևս չեն զոհվում։ «Պետք է դիմել ռազմական փորձագետներին։ Բայց առաջին հերթին պետք է հաշվի առնել այն, որ հրանոթները լռել են։ Սա է գլխավոր արդյունքը։ Մարդիկ չեն զոհվում։ Սա է ամենաարժեքավոր արդյունքը»,-ասել է նա, գրում է ՏԱՍՍ-ը։ Պեսկովը չի մեկնաբանել ԱՄՆ Պետդեպարտամենտի հայտարարությունը, թե Վաշինգտոնն ու Փարիզը պարզաբանումներ են ակնկալում Թուրքիայի դերակատարման մասին։ «Մենք չէինք ցանկանա մեկնաբանել մեր երկկողմ հարաբերությունները Թուրքիայի հետ։ Ունենք երկկողմ հարաբերություններ Թուրքիայի հետ, որոնք գնահատում ենք»,- ասել է Պեսկովը։ «Եթե Մինսկի խմբում մեր համանախագահները պարզաբանումների կարիք ունեն, անկասկած, դրանք կներկայացվեն։ Առավել ևս, որ հիմա ԼՂ գծով կանոնավոր շփումներ են իրականացվում»,- ասել է նա։ Պեսկովը շեշտել է, որ ՌԴ համար գլխավորը հետաքրքրվելն է, թե ինչպես պահպանել Լեռնային Ղարաբաղում վերջերս հաստատված խաղաղությունը, ապահովել բոլոր տեղահանվածների և փախստականների վերադարձը, ինչպես նաև հետևել խաղաղության պահպանմանը։ Ավելի վաղ հայտնի դարձավ, որ ԱՄՆ-ն և Ֆրանսիան առավել մեծ պարզություն են ակնկալում Ռուսաստանից Լեռնային Ղարաբաղում հրադադարի հաստատման պայմանների, ինչպես նաև Թուրքիայի դերակատարման մասին այդ պայմանավորվածություններում։ Այդ մասին հայտարարվել է ԱՄՆ Պետդեպարտամենտի բարձաստիճան ներկայացուցչի ճեպազրույցում։ Սեպտեմբերի 27-ից Արցախի դեմ Ադրբեջանը պատերազմ էր սանձազերծել՝ ահաբեկիչ-վարձկանների ու թուրքերի անմիջական աջակցությամբ։ Նոյեմբերի 10-ին վարչապետ Նիկոլ Փաշինյանը հայտարարեց, որ ՌԴ ու Ադրբեջանի նախագահների հետ պատերազմի դադարեցման փաստաթուղթ է ստորագրել։ Ըստ դրա՝ Ադրբեջանը և Հայաստանը կանգ են առնում իրենց զբաղեցրած դիրքերում: Իսկ ՌԴ խաղաղապահները տեղակայվում են ԼՂ շփման գծի երկայնքում և Հայաստանի հետ կապող միջանցքում: Photo. Ria Novosti   Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Վերջին լուրեր Ադրբեջանում հայտարարել են, որ Ղազախի շրջանում ականի պայթյունից սահմանապահ է վիրավորվել  Նշվում է, որ տարածքը, որտեղ տեղի է ունեցել դեպքը, հարում է այն հատվածին, որը «Հայաստանի հետ շփման գիծ էր»ՀՀ–Ադրբեջան սահմանին տեղադրվել է 35 սահմանային սյուն՝ նախատեսված աշխատանքների կեսից ավելին արվել է Նշվում է, որ երկու երկրների փորձագիտական խմբերի աշխատանքները շարունակվում ենԿիրանցի բնակիչները կառավարության շենքում հանդիպում են Փաշինյանի հետ Կառավարության շենք է մտել նաև Տավուշի մարզպետ |
