Ֆրանսիայի ԱԳ նախարար․ Միայն որոշ հարցեր լուծելուց հետո հնարավոր կլինի անցնել ԼՂ կարգավիճակի հարցին23 նոյեմբերի 2020 - 12:58 AMT PanARMENIAN.Net - Ֆրանսիայի ԱԳ նախարար Ժան Իվ Լե Դրիանը, անդրադառնալով ԼՂ վերաբերյալ ՀՀ, ՌԴ և Ադրբեջանի եռակողմ հայտարարությանը, հայտարարել է, որ միայն որոշ հարցեր լուծելուց հետո հնարավոր կլինի անցնել ԼՂ կարգավիճակի հարցին։ Այդ մասին նա հայտարարել է ֆրանսիական LSI լրատվականին տված հարցազրույցում, տեղեկացնու է ՏԱՍՍ-ը։ «Պետք է ընդունենք, որ հրադադարի վերաբերյալ անորոշություն կա՝ մենք ցանկանում ենք, որ անհրաժեշտ պարզաբանումներ արվեն։ Դրանք վերաբերում են տեղահանված անձանց, քանի որ Լեռնային Ղարաբաղի բազում հայեր լքել են այն և մենք ուզում ենք ապահովել, որ նրանք վերադառնան»,-ասել է ֆրանսիացի նախարարը։ «Կա նաև վարձկանների հարցը՝ պետք է հասնել, որ նրանք դուրս բերվեն , և դրա անհրաժեշտության հետ համամիտ են ՄԽ բոլոր 3 երկիրը։ Նաև կա հոգևոր և մշակութային ժառանգության պաշտպանության հարցը։ Այդ առումով Ֆրանսիայի նախագահը նախաձեռնություններով է հանդես եկել ՅՈւՆԵՍԿՕ-ի հետ համատեղ՝ այդ հարցը ես քննարկել եմ ՀՀ և Ադրբեջանի իմ գործընկերների հետ»,-ասել է նա։ «Միայն այս խնդիրների կարգավորումից հետո կարող ենք անցնել ԼՂ կարգավիճակի հարցին։ Այժմ դա հնարավոր չէ քննարկել և դրան համամիտ է նաև ՀՀ ղեկավարությունը»,-ասել է նա։ Ֆրանսիայի ԱԳՆ ղեկավարն ասել է, որ այդ հարցերը քննարկել է ԱՄՆ պետքարտուղար Մայք Պոմպեոյի հետ և կողմերը «համակարծիք են եղել իրավիճակի վերլուծության հարցում»։ Լե Դրիանը կարևորել է ԵԱՀԿ Մինսկի խմբի մեծ պատասխանատվությունը ԼՂ հակամարտության կարգավորման հարցում։ «Ֆրանսիայի, ՌԴ և ԱՄՆ-ն հատուկ պատասխանտվություն են կրում, քանի որ ՄԱԿ-ը հենց մեզ է հանձնարարել հետևել հակամարտության կողմերի ստանձնած պարտավորությունների կատարումը։ Որպես ՄԽ համանախագահներ մենք շատ ջանքեր ենք գործադրել հրադադարի հասնելու համար, սակայն այդ պահին դա արդյունք չի տվել»,-ասել է նա։ «Մենք պատասխանտվություն ենք կրում, որը ստանձնել ենք միջազգայն հանրության առջև։ Եվ ինքը Հայաստանը ևս ցանկանում է, որ մենք պահպանենք այդ պատասխանատվությունը։ Այդ ամենը պահանջում է մեզանից հավասարակշռված դիրքորոշում»,-ասել նա։ Նա հավելել է, որ և ՀՀ, և Ադրբեջանի ղեկավարությունը կարևորել են ՄԽ դերի պահպանումը։ «Սկայն դա չի խանգարում Ֆրանսիային օգնություն ցուցաբերել Հայաստանին՝ հումանիտար բեռով ինքնաթիռը ժամանել է Երևան, ևս մեկը կմեկնի»,-ասել է նախարարը՝ հատուկ շեշտելով, որ «Հայստանը բարեկամ ժողովուրդ է Ֆրանսիայի համար»։ Նոյեմբերի 10-ին վարչապետ Նիկոլ Փաշինյանը հայտարարել է պատերազմը դադարեցնելու մասին Ադրբեջանի և Ռուսաստանի նախագահների հետ հայտարարություն ստորագրելու մասին։ Հայտարարությամբ ՀՀ-ն և Ադրբեջանը կանգ են առնում իրենց զբաղեցրած բնագծերում, բացի այդ, հայկական կողմը Ադրբեջանին է հանձնում Աղդամը, Քարվաճառը, Բերձորը։ Իսկ շփման գծի երկայնքով և Լաչինի միջանցքով ռուս խաղաղապահներ են տեղակայվում։ Նոյեմբերի 10-ից երկրում վարչապետ Նիկոլ Փաշինյանի հրաժարականի պահանջով ցույցեր են անցկացվում։ Photo. AFP Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |