Լավրով․ ՌԴ-ն միշտ պատրաստ է թև ու թիկունք լինել եղբայրական հայ ժողովրդին24 մայիսի 2021 - 19:07 AMT PanARMENIAN.Net - Ռուսասանը միշտ պատրաստ է թև ու թիկունք լինել եղբայրական հայ ժողովրդին։ Այդ մասին հայտարարել է ՌԴ արտգործնախարար Սերգեյ Լավրովը «Արգումենտի ի ֆակտի» շաբաթաթերթին տված հարցազրույցում։ Պատասխանելով հարցին, թե հաջողվե՞լ է արդյոք ջերմ հարաբերություններ պահպանել Հայաստանի հետ Ղարաբաղում վերջին պատերազմից հետո, չնայած իր համար պատերազմի անբարենպաստ ավարտին՝ Լավրովն ասել է, որ ռուս-հայկական հարաբերությունները փորձված են ժամանակով։ «Կասկած չունեմ, որ դրանք կշարունակեն զարգանալ փոխադարձ վստահության, ռազմավարական գործընկերության և դաշնակցային փոխգործակցության ոգով։ Մեր երկիրը միշտ պատրաստ է թև ու թիկունք լինել եղբայրական հայ ժողովրդին։ Այդ են վկայում ՌԴ, անձամբ նախագահ Պուտինի ջանքերը, որոնց շնորհիվ հաջովեց վերջ դնել ռազմական առճակատմանը Լեռնային Ղարաբաղում 2020-ի աշնանը, գործարկել տարածաշրջանում իրավիճակի կարգավորման գործընթացը»,-ասել է նա։ Նա հավելել է՝ կարելի է ասել, որ նոյեմբերի 10-ի և հունվարի 11-ի եռակողմ հայտարարություններում ամրագրված եռակողմ պայմանավորվածությունները ընդհանուր առմամբ հաջողությամբ իրագործվում են։ «Դա, մասնավորապես, վերաբերում է հակամարտության հումանիտար և սոցիալ-տնտեսական հետևանքների վերացմանը, տրանսպորտային և տնտեսական կապերի ապաշրջափակմանը Հարավային Կովկասում։ Ռուսաստանի աջակցությունը բարձր է գնահատվում մեր հայ բարեկամների կողմից»,-ասել է նա։ Ըստ Լավրովի՝ կարևոր է հասկնալ նաև, որ ՌԴ և ՀՀ հարաբերությունները չեն սահմանափակվում ԼՂ թեմայով։ «ՌԴ և Հայաստանի միջև աննախադեպ քաղաքական երկխոսություն է հաստատվել բարձրագույն և այլ մակարդակներում։ Միայն 2021-ին մեր ղեկավարները հանդիպել են երկու անգամ, բազում հեռախոսազրույցներ են ունեցել։ Մայիսի սկզբին կայացել է իմ այցը Երևան։ Միջխորհրդարանական կապերն են իրագործվում»,-հավելել է Լավրովը։ Նա նշել է նաև, որ կորոնավիրուսի համաճարակի հետևանքները հաղթահարելու համար՝ Ռուսաստանը «Սպուտնիկ V» պատվաստանյութ է մատակարարել Հայաստանին: «Մենք աշխատում ենք հետագա աջակցության հարցի շուրջ: Մենք հաջողությամբ զարգացնում ենք կապերն առևտրի և տնտեսության ոլորտում, ինչին նպաստում են տնտեսական համագործակցության ռուս-հայկական միջկառավարական հանձնաժողովի համանախագահների պարբերական հանդիպումները»,- ասել է նա։ Ընթերցեք նաև․ Ռուս-թուրքական կենտրոնը ԼՂ գոտում միայն տեսողական դիտարկում է անում Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |