Հունահայերը դատապարտել են Ադրբեջանում այդ երկրի դեսպանի այցն օկուպացված Շուշի

PanARMENIAN.Net - Հունաստանում դատապարտել են Ադրբեջանում այդ երկրի դեսպան Նիկոս Պիպերիգոսի այցն Ադրբեջանի կողմից օկուպացված Շուշի։

«Բաքվում Հունաստանի դեսպան Նիկոս Պիպերիգոսը մասնակցել է ավելի քան 40 դիվանագետների համար ադրբեջանական ռեժիմի կողմից կազմակերպված քարոզչական շրջայցին պատմական հայկական Լեռնային Ղարաբաղի վերջերս գրավված տարածքներ»,-գրում է Greek City Times-ը։

«Իnչպես Հայ Դատի հանձնախումբը, այնպես էլ Հունաստանի հայ համայնքը իրենց դժգոհությունն են հայտնել այն փաստից, որ դեսպանին թույլատրվել է մասնակցել Շուշիում կազմակերպված «տոնական» միջոցառմանը։ Ի՞նչն էր նշվում։ Ադրբեջանի կողմից միջազգային նորմերի և համաձայնագրերի խախտո՞ւմը»,-ասել են կոմիտեում։

Նամակում հիշատակվել է նաև Ալիևի վերաբերմունքը Հունաստանի դեսպանի հանդեպ, երբ խնդիրներ էին առաջացել Միջերկրական ծովում Հունաստանի և Թուրքիայի միջև, և որը միանշանակ սատարել էր Թուրքիային։

Ադրբեջանում հավատարմագրված դիվանագետների այցը Շուշի կազմակերպվել էր Իլհամ Ալիևի անձնական հանձնարարությամբ։Հրավիրված 46 դեսպաններից ԱՄՆ, Ֆրանսիայի և ՌԴ դեսպանները չեն ընդունել Ադրբեջանի նախագահ Իլհամ Ալիևի հրավերը և հրաժարվել են այցելել Շուշի։

Դեսպաններից բացի Ալիևի կազմակերպած այցին Շուշի մասնակցել են նաև ԱՀԿ և ՄԱԿ փախստականների գծով գերագույն հանձնակատարի ներկայացուցիչները։