Միշել․ Միայն երկխոսությունը կարող է հանգեցնել ՀՀ և Ադրբեջանի հարաբերությունների կարգավորման 1 դեկտեմբերի 2021 - 12:08 AMT PanARMENIAN.Net - Եվրոպական խորհրդի նախագահ Շառլ Միշելը, անդրադառնալով տարածաշրջանային ձգձգվող հակամարտություններին, հայտարարել է, որ միայն քաղաքական երկխոսությունը կարող է հանգեցնել Հայաստանի և Ադրբեջանի հարաբերությունների կայուն կարգավորման։ Այդ մասին նա ասել է Արևելյան գործընկերության քաղաքացիական հասարակության համաժողովում իր ելույթում, տեղեկացնում է ԵԽ պաշտոնական կայքը։ Նա նշել է, որ տարածաշրջանում ձգձգվող հակամարտությունները պահանջում են միջազգային իրավունքի սկզբունքներին և նորմերին համապատասխան ջանքերի վերսկսում, և որ Եվրամիությունը պատրաստ է դերակատրություն ունենալ հակամարտությունների կանխարգելման և հանգուցալուծման գործում։ «Հայաստանի և Ադրբեջանի հարաբերությունները ցույց են տալիս իրավիճակի փխրունությունը։ Ես լիովին համոզված եմ, որ միայն քաղաքական երկխոսությունը կարող է հանգեցնել կայուն կարգավորման։ Դա նաև քաղաքացիական հասարակության համախմբում կպահանջի Հայաստանում և Ադրբեջանում՝ թույլ կտա կամուրջներ կապել և նպաստել հաշտեցման ջանքերին»,- ասել է նա։ Միշելը նշել է նաև, որ Արևելյան գործընկերությունը պետք է արձագանքի ժամանակի մարտահրավերներին և խնդիրները պետք է միասին լուծել։ Դեկտեմբերի 15-ին Բրյուսելում կայանալու է ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումը։ Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |