Հարցում. Երևանում Ռուսաստանը բարեկամ երկիր է համարում հարցվածների 35%-ը, իսկ Ֆրանսիան՝ 43%-ը15 դեկտեմբերի 2021 - 18:05 AMT PanARMENIAN.Net - Երևանում Ռուսաստանը բարեկամ երկիր է համարում հարցվածների 35%-ը, իսկ Ֆրանսիան՝ 43%-ը: Այդ են վկայում 2021թ․ հոկտեմբեր-նոյեմբերին Երևանում անցկացված հարցման արդյունքները։ Հարցումն անցկացվել է թե ով է Հայաստանի լավագույն դաշնակիցը թեմայով, ավելի կոնկրետ՝ համեմատություն ՌԴ և Ֆրանսիայի հանդեպ վերաբերմունքի, ինչպես նաև՝ թե ինչու է աճում դրական վերաբերմունքը Ֆրանսիայի նկատմամբ և նվազում՝ Ռուսաստանի հանդեպ։ Սոցիոլոգիական գիտությունների թեկնածու, Եվրասիական փորձագիտական ակումբի անդամ Սամվել Մանուկյանը հարցման արդյունքները ներկայացրել է Եվրասիական փորձագիտական ակումբի ամենամյա նիստում՝ «ԵԱՏՄ-ին Հայաստանի անդամակցության 7 տարին․ Եվրասիական ինտեգրում երեկ, այսօր, վաղը» կոնֆերանսի ժամանակ, գրում է Verelq-ը։ Նա ասել է, որ հարցման մասնակիցներին ուղիղ հարց է տրվել․ «Ռուսաստանը/Ֆրանսիան բարեկա՞մ, ոչ բարեկամ, թե չեզոք երկիր եք համարում Հայաստանի համար»։ Պարզվել է, որ Ռուսաստանը բարեկամ երկիր է համարում հարցվածների 35%-ը, իսկ Ֆրանսիան՝ 43%-ը։ Մյուս կողմից, ՌԴ-ն ոչ բարեկամ երկիր է համարում հարցվածների 17%-ը, իսկ Ֆրանսիան՝ 2%-ը։ «Արդյունքն ապշեցուցիչ է։ Սակայն, առավել հատկանշական է այն, որ այս, կարծես թե, պարզ հարցերին դժվարացել է պատասխանել հարցվածների 23 և 28%-ը։ Ակնհայտ է, որ 44-օրյա պատերազմը և հարակից ու հաջորդած ընդհանուր տեղեկատվական ազդեցությունը կոգնիտիվ դիսոնանս է ձևավորել հանրային գիտակցության մեջ, երբ մարդկանց ուղեղում նույն օբյեկտի հանդեպ երկու իր բնույթով հակադիր դրվածք է մրցակցում»,-ասել է Մանուկյանը։ Հաջորդ հարցը հետևյալն էր․ «Ի՞նչն է նախընտրելի Հայաստանի համար՝ զարգացնել հարաբերությունները Ֆրանսիայի, թե Ռուսաստանի հետ»։ Մասնակիցների 30%-ը պատասխանել է, որ «գերադասելի է հարաբերությունները զարգացվել Ռուսաստանի հետ», իսկ 20%՝ Ֆրանսիայի։ Սակայն հարցվածների գրեթե մեկ երրորդը՝ 32%-ը, կարծում է, որ «հարաբերությունները պետք է զարգացնել և Ռուսաստանի, և Ֆրանսիայի հետ»։ Իսկ այն հարցի դեպքում, որ եթե Հայաստանը ստիպված լիներ զարգացնել հարաբերությունները կամ Ֆրանսիայի, կամ Ռուսաստանի հետ, Ռուսաստանի կողմնակիցների քանակը գրեթե կրկնապատկվել է՝ կազմելով 54%, իսկ Ֆրանսիայի կողմնակիցների քանակն ավելացել է 4%-ով։ Այս դեպքում Ֆրանսիայի կողմնակիցների ընդահնուր քանակը կազմել է 23%, ինչը անգամ պակաս է, քան ՌԴ ցուցանիշը։ 2019-ին Երևանում ՌԴ-ին լավագույն դաշնակից էր համարում հարցման մասնակիցների 47%-ը, իսկ Ֆրանսիային՝ 12%-ը։ Իսկ կամ-կամ ընտրության դեպքում ՌԴ օգտին արտահայտվել էր 54%-ը, Ֆրանսիայի օգտին՝ 23%-ը։ Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |