Գալստյան․ ՌԴ-ի հեռացումը SWIFT համակարգից ծանր կանդրադառնա ՀՀ տնտեսության վրա 1 փետրվարի 2022 - 19:06 AMT PanARMENIAN.Net - Կենտրոնական բանկի նախագահ Մարտին Գալստյանը, անդրադառնալով ՌԴ դեմ հնարավոր պատժամիջոցների ազդեցությանը ՀՀ վրա, ասել է, որ SWIFT համակարգից Ռուսաստանին հեռացնելու դեպքում, դա ծանր կանդրադառնա Հայաստանի բանկային համակարգի և ընդհանուր տնտեսության վրա։ Այդ մասին հարցին նա կարճ է պատասխանել։ «Մեկ բառով փորձեմ պատասխանել՝ ծանր»,- ասել է Գալստյանը, գրում է Aysor.am-ը։ Նա հավելել է, որ Արևմուտքի կողմից Ռուսաստանի նկատմամբ պատժամիջոցներ կիրառելու դեպքում Հայաստանի տնտեսությունը այս կամ այն չափի ազդեցություն կկրի՝ կախված պատժամիջոցների բնույթից։ «Եթե դա պայմանավորված լինի ու սահմանափակվի միայն անհատների նկատմամբ սանկցիաներով, մի պատմություն կլինի։ Եթե սանկցիաները ներառեն նաև ֆինանսական հատվածը, եթե այդպիսի խնդիրներ ի հայտ գան, բնականաբար, ՌԴ-ում տեղի կունենա, ամենայն հավանականությամբ, ազգային արժույթի արժեզրկում, որի հետևանքով մեր մրցունակությունը որոշակիորեն կկորցնենք ՌԴ տնտեսության հանդեպ։ Դա դեռ ամենաթեթև բաներն եմ ասում»,- նշել է նա։ ՀՀ ԿԲ նախագահի խոսքով՝ ֆինանսական հատվածից եկող ռիսկերը շատ մեծ են։ «Մեր հարաբերությունները սպասարկվում են նաև ռուսական բանկերի միջոցով․ արդյոք այդ ռուսական բանկերի նկատմամբ որոշակի սահմանափակումներ մտցնելը անդրադառնալո՞ւ է նաև Հայաստանին՝ հայելային սահմանափակումներ դնելով, թե՞ ոչ։ Սրանք սահմանափակումներ են, որոնք այս պահի դրությամբ որոշակի անորոշություններ են իրենց մեջ պարունակում, բայց, ամեն դեպքում, պետք է սպասել, հասկանալ»,- հավելել է նա։ Գալստյանն ասել էր նաև, որ ԿԲ-ն հաշվարկել է ջրի, էլեկտրաէներգիայի սակագների թանկացման ազդեցությունը՝ ընդհանուր գնաճի վրա։ Ջրի և էլեկտրաէներգիայի սակագների փոփոխության արդյունքում 2022-ին ակնկալվող գնաճը, ԿԲ գնահատականով, տարեկան կտրվածքով մոտ 0.6 տոկոս կկազմի, իսկ էլեկտրաէներգիայի թանկացմամբ պայմանավորված երկրորդային ազդեցությունները հաշվարկած՝ տարեկան գնաճը կմեծանա 1-1.5 տոկոսով:   Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Վերջին լուրեր ՊՆ–ում քննարկվել են ՀՀ-Ֆրանսիա, նաև ԵՄ հետ գործակցությանն առնչվող հարցեր  Պապիկյանն ընդունել է Ֆրանսիայի Սենատի պաշտպանության և զինված ուժերի ու եվրոպական գործերի հանձնաժողովների անդամինՈսկեպար-Կիրանց ճանապարհը փակ է, Փաշինյանի հետ հանդիպումից հետո իրավիճակը չի փոխվել Նրանք ասել են, որ մտադիր չեն ճանապարհը բացել, քանի դեռ սահմանազատման իրենց պահանջները չեն կատարվելԱԺ-ն չի ընդունել սահմանազատման վերաբերյալ ընդդիմության նախագիծը ՔՊ-ական Մարիա Կարապետյանը հայտարարել է, որ Հայաստանի տարածքից ոչ մի միլիմետր չի զիջվում որևէ մեկինԴիվանագետների համահայկական խորհուրդ․ Արտաքին քաղաքական ռազմավարության սկզբունքային փոփոխություն է պետք Նշվում է, որ սահմանազատման և սահմանագծման գործընթացը պետք է բխի միջազգային իրավունքի հիմնարար սկզբունքներից |
