Աճել է Հայաստանի ներդրումային գրավչությունը 1 ապրիլի 2009 - 17:35 AMT PanARMENIAN.Net - «2008թ. արդյունքում ուղղակի ներդրումները Հայաստանի տնտեսության մեջ կազմել են 1,9 մլրդ դոլար»,-հաղորդել է Հայկական զարգացման գործակալության (ՀԶԳ) գլխավոր տնօրեն Ռոբերտ Հարությունյանը «Գիտական հետազոտությունների առեւտրայնացումը» խորագրով սեմինարի ժամանակ: Նրա խոսքերով, 2006թ. համեմատությամբ օտարերկրյա ներդրումների ծավալն ավելացել է 3 անգամ, մասնավորապես, ուղղակի օտարերկրյա ներդրումների ծավալը կազմել է 500 մլն դոլար, իսկ այսօրվա դրությամբ նրանց ծավալը գերազանցում է մեկ միլիարդը: Հարությունյանն ասել է, որ ուղղակի օտարերկրյա ներդրումների հիմնական մասը` 50 տոկոսը Ռուսաստանն է արել, որը Հայաստանի հիմնական գործընկերն է: «Հետաքրքիր ներդրումային ծրագրեր են Հայաստանում իրականացնում նաեւ Գերմանիան, Ֆրանսիան, Արգենտինան եւ այլ երկրներ»,-ասել է նա: Ներդրողներին հետաքրքրող ոլորտներն ավանդաբար հեռահաղորդակցությունների, լեռնահանքային եւ սննդարդյունաբերության, տեղեկատվական տեխնոլոգիաների ոլորտներն են: Գործակալության տնօրենը տեղեկացրել է, որ Հայաստանում գործում է օտարերկրյա կապիտալով շուրջ 3,7 հազար ընկերություն: «Դա կարելի է դրական միտում համարել, քանի որ ներդրողները շարունակում են աշխատել համաշխարհային ճգնաժամի պայմաններում»,-հավելել է նա: Հարությունյանը հաղորդել է, որ հաշվի առնելով հայկական շուկայի ծավալները, ուղղակի օտարերկրյա ներդրումները հիմնականում կողմնորոշված են արտահանման: «Ներդրողները փորձում են նոր շուկաներ գտնել իրենց արտադրանքի իրացման համար»,-ասել է նա: Իր կողմից, գործակալությունը իր նպաստն է բերում Հայաստանի կառավարությանը, որը նպատակ է հետապնդում սպառման նոր շուկաներ տրամադրել այդ ընկերություններին: Այդ կապակցությամբ գործակալության տնօրենը կարեւորել է ազատ առեւտրի ռեժիմը, որը գործում է ԱՊՀ երկրների հետ, Հայաստանի անդամակցությունը ԱՀԿ-ին, ինչպես նաեւ ԵՄ երկրներից վերջերս ստացված հնարավորությունը` GPS+ ազատ ռեժիմը կիրառել տեղական արտադրության ապրանքների համար: «Եթե միավորենք բոլոր այդ հնարավորությունները, ապա հայ արտադրողները շուրջ 1 մլրդ մարդ կազմող սպառողական շուկա ունեն»,-ասել է Հարությունյանը: Հայաստանի ներդրումային գրավչության ավելացմանն, ըստ Հարությունյանի, կնպաստեն երկրի տնտեսական զարգացման գործում գրանցված հաջողությունները, մասնավորապես, Հայաստանի ՀՆԱ-ի միջին աճը տարեկան կազմում է 8-10 տոկոս, իսկ 2008 թվականի արդյունքում ՀՆԱ-ն կազմեց 9,8 մլրդ դոլար, հաշվետու ժամանակաշրջանում աճել են Հայաստանի պետբյուջեի եկամուտներն, ինչը բացատրվում է հարկային եւ մաքսային վարչարարության բարելավմամբ, ինչպես նաեւ գործարար հնարավորությունների ընդլայնմամբ: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | ՊՆ․ Զինծառայողների հարազատները ծանրոցներ ուղարկում են բացառապես կամավոր Նշվում է, որ զինծառայողների թիկունքային ապահովման բոլոր աշխատանքները պատշաճ իրականացվում են ԱՄՆ սենատորները կոչ են արել Բայդենին հակազդել մամուլի ազատության դեմ հարձակումներին՝ այդ թվում Ադրբեջանում Նշվում է, որ վերջին ամիսներին Ադրբեջանում 10 լրագրող է կալանավորվել Բելառուսն Արցախում 420 ընտանիքի համար բնակավայր կկառուցի Հայտարարվել է, որ ավանը կկառուցվի Աղդամի շրջանում ՀՀ և Հորդանանի ԱԳՆ-ները մտահոգություն են հայտնել Երուսաղեմի հայկական թաղամասում ստեղծված իրավիճակի վերաբերյալ Կոստանյանը ներկայացրել է «Խաղաղության խաչմերուկ» նախագիծը |