Տարեցները կազմում են Հայաստանի բնակչության 12 տոկոսը 8 ապրիլի 2009 - 21:37 AMT PanARMENIAN.Net - Երեւանում անցնում է հասարակության ծերացման հիմնական հարցերին նվիրված եռօրյա միջազգային խորհրդաժողովը: Խորհրդաժողովին մասնակցում են Բելառուսի, Բուլղարիայի, Վրաստանի, Ղազախստանի, Մոլդովայի, Ռուսաստանի, Տաջիկստանի, Ուկրաինայի ներկայացուցիչները: Խորհրդաժողովի մասնակցիները կքննարկեն ծերացող հասարակությունների առջեւ կանգնած մարտահրավերները, Հայաստանում հասարակության ծերացման հիմնական հարցերի մշակումը, ծերացման հիմնական հարցերի գծով ազգային քաղաքականությունը: ՄԱԿ-ի բնակչության զարգացման հիմնադրամի «Բնակչության ռազմավարությունն ու զարգացումները» ծրագրի շրջանակներում եւ ՄԱԿ-ի տնտեսական եւ սոցիալական հարցերի դեպարտամենտի աջակցությամբ ՀՀ աշխատանքի ու սոցիալական հարցերի նախարարության, Վիճակագրության ազգային ծառայության եւ Աշխատանքային ու սոցիալական հետազոտությունների ազգային ինստիտուտի աշխատակիցները 2008թ. հունիս-դեկտեմբերին մասնակի հետազոտություն են անցկացրել բնակչության ծերացման խնդրի վերաբերյալ: Կազմակերպիչները հետազոտություններ են անցկացրել 50 բարձր տարիքային խմբում: Նրանք ուսումնասիրել են նրանց հարաբերություններն ընտանիքում, առողջական վիճակը, կենսակերպը, զբաղվածությունը, ինչպես նաեւ թոշակային ու ֆինանսական ապահովվածության մակարդակը: Հետազոտությունների արդյունքում պարզվել է, որ ծերացող մարդկանց քանակը մեծ տոկոս է կազմում Հայաստանում: Բնակչության 12 տոկոսից ավելին 50 տարեկանից բարձր է: Ինչպես ասել է աշխատանքի եւ սոցիալական հարցերի նախարար Արսեն Համբարձումյանը, այդ նախագիծն ուղղված է տեւական կրթության, աշխատանքային կյանքի տեւողության երկարացման, առողջ կենսակերպի ապահովման խրախուսմանը: Խորհրդաժողովում տարբեր երկրների մասնագետներ իրենց փորձը կկիսեն եւ խմբակայի քննարկումներ կանցկացնեն: Ծրագրի շրջանակներում նախատեսվում են նաեւ ծերանոցների այցելություններ: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը ՀՀ և Մալթայի ԱԳ նախարարները քննարկել են ԵԱՀԿ գործունեությանն ու Ադրբեջանի հետ կարգավորման զարգացումները Հայաստանի և Մալթայի ԱԳ նախարարներն անդրադարձել են տարածաշրջանային հարցերի Eurowings–ը Բեռլին-Երևան ուղղությամբ թռիչքներ է սկսել Չվերթերը կիրականացվեն շաբաթական մեկ չվերթ |