ԱՀ կառավարությունն ավելի քան 1000 բնակարան է տրամադրել․ Եվս 600-ը շահագործման կհանձնվի 2022-ին21 հուլիսի 2022 - 18:05 AMT PanARMENIAN.Net - Սկսած 2021-ից մինչև 2022 թվականի հուլիս ամիսը Արցախի Հանրապետության կառավարության կողմից տրամադրվել է ավելի քան 1000 բնակարան՝ կառուցապատման, երկրորդային շուկայից ձեռքբերման, բնակֆոնդի վերանորոգման արդյունքում։ Այս մասին ասվում է Արցախի Հանրապետության նախագահ Արայիկ Հարությունյանի պաշտոնական ֆեյսբուքյան էջում հրապարակված տեսանյութում։ Նշվում է, որ Արցախը հայկական պահելու ամենակարևոր անելիքներից մեկը բնակարանաշինությունն է։ Բնակարաններից 377-ը տրամադրվել է Ստեփանակերտում՝ նորակառույց շենքերում, որոնք կառուցվել են Արցախի Հանրապետության և Հայաստանի Հանրապետության պետական միջոցների և «Հայաստան» համահայկական հիմնադրամի ֆինանսավորմամբ։ Բնակարաններն ու բնակելի տները տրամադրվել են զոհված անձանց, տեղահանված, առաջին խմբի անժամկետ զինվորական հաշմանդամություն ունեցող քաղաքացիների, Պաշտպանության բանակի գործող և պահեստազորի զինծառայողների, հինգ և ավելի զավակներ ունեցող, փախստականի կարգավիճակ ստացածների ու ծնողազուրկ անձանց ընտանիքներին, գրում է Արցախպրեսը։ ԱՀ բնակարանային հարցերի կոմիտեի նախագահ Արմեն Մանգասարյանի խոսքով՝ 2022-ին շահագործման կհանձնվի մոտ 600 բնակարան և բնակելի տուն, որի զգալի մասը՝ 90 տոկոսը, հանրապետության շրջաններում։ «Ստեփանակերտ քաղաքում մոտ 1300 բնակարանի շինարարական աշխատանքներ են սկսված, իսկ շրջաններում այդ թիվը հասնում է 1500-ի։ Արդեն պատրաստ են ևս 1000 բնակելի տան նախագծահաշվային փաստաթղթերը, որոնց շինարարությունը առաջիկայում կմեկնարկի։ Հանրապետությունում բնակարանային հաշվառման հերթացուցակներում ընդհանուր մոտ 8500 ընտանիք ունենք»,-մանրամասնել է Մանգասարյանը՝ համոզմունք հայտնելով, որ շինարարական նման տեմպերով՝ առաջիկա տարիներին հնարավոր կլինի լուծել նրանց բնակապահովման խնդիրը։ Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |