Ըստ Sabah-ի՝ Էրդողանը Փաշինյանին ուղերձներ կհղի Պրահայի գագաթնաժողովում 4 հոկտեմբերի 2022 - 17:15 AMT PanARMENIAN.Net - Թուրքական իշխանամետ Sabah լրատվամիջոցը, որը «Էրդողանի խոսափողը» լինելու համբավ ունի, գրել է, որ Պրահայում կայանալիք Եվրոպական քաղաքական համայնքի գագաթնաժողովի շրջանակում Թուրքիայի նախագահ Ռեջեփ Թայիփ Էրդողանը հանդիպելու է ՀՀ վարչապետ Նիկոլ Փաշինյանի հետ: Ըստ աղբյուրի՝ Էրդողանը Փաշինյանին ուղերձներ կհղի՝ կապված Հայաստանի ու Թուրքիայի հատուկ ներկայացուցիչների հետ, որպեսզի վերջիններիս հանդիպումները տեղի ունենան ոչ թե երրորդ երկրներում, այլ Թուրքիայում և Հայաստանում, գրում է Ermenihaber-ը։ Ակնկալվում է, որ Էրդողանը նաև կխոսի Հայաստանի ու Ադրբեջանի միջև վերջնական խաղաղության պայմանագիր կնքելու հարցերի շուրջ: Ըստ Sabah-ի՝ սպասվում է, որ Էրդողանի օրակարգում կլինի նաև «Զանգեզուրի միջանցքի» հնարավորինս արագ կյանքի կոչելու հարցը: ՀՀ ԱԳՆ մամուլի քարտուղար Վահան Հունանյանը հայտարարել է, որ հայկական կողմը չի բացառում Պրահայում ՀՀ վարչապետ Նիկոլ Փաշինյանի և Թուրքիայի նախագահ Ռեջեփ Թայիփ էրդողանի հանդիպման հնարավորությունը, սակայն այն հաստատված չէ։ Ավելի վաղ Հանրային հեռուստաընկերության եթերում վարչապետ Նիկոլ Փաշինյանն ասել էր, որ Էրդողանի հետ հանդիպման վերաբերյալ չի կարող ասել՝ հանդիպումը կկայանա, թե ոչ։ «Եվ թուրքական, և հայկական կողմը չեն բացառել հանդիպման հնարավորությունը, բայց դա նշանակում է, որ հանդիպումը կարող է կայանալ, բայց պարտադիր չէ, որ կայանա»,-ասել է նա։ Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |