Կլաար․ ԼՂ հայերի իրավունքներն ու անվտանգությունը պետք է ապահովվի թափանցիկ և ներառական ձևով11 հոկտեմբերի 2022 - 15:16 AMT PanARMENIAN.Net - Հարավային Կովկասում ԵՄ հատուկ ներկայացուցիչ Տոյվո Կլաարը Եվրախորհրդարանի պաշտպանության կոմիտեի նիստում իր ելույթում հայտարարել, է, որ Լեռնային Ղարաբաղի հայերի իրավունքներն ու անվտանգությունը պետք է ապահովվի թափանցիկ և ներառական ձևով, որպեսզի Հայաստանը և Ղարաբաղի հայերը զգան, որ այդ պայմանավորվածություններն ապահովում են իրենց անվտանգությունը այնտեղ, որտեղ իրենք ապրում են։ Կլաարը նշել է, որ իրավիճակը Հարավային Կովկասում շարունակում է ծայրահեղ վտանգավոր մնալ և որ ԵՄ-ն պետք է օգնի Հայաստանին և Ադրբեջանին հաղթահարել ստեղծված իրավիճակը՝ բարգավաճ Հարավային Կովկաս կլառուցելու համար, հայտնում է Bagramyan26 Տելեգրամ ալիքը։ «Դա հնարավոր կլինի միայն այն դեպքում, եթե մենք կարողանանք օգնել նրանց արդար խաղաղության հասնել, որը տեղերում մարդկանց կողմից կընկալվի որպես արդար»,- ասել է Կլաարը։ Անդրադառնալով ՀՀ-ում տեղակայվելիք ԵՄ քաղաքացիական առաքելությանը՝ Կլաարն ասել է, որ ԵՄ անդամ բոլոր պետությունները պետք է հավանություն տան առաքելության մասին որոշմանը, որը քննարկվելու է քաղաքականության և անվտանգության կոմիտեում։ «ՀՀ-ն այսօր բախվել է իր ինքնիշխան տարածք ներխուժման հետ, քաղաքացիական ենթակառուցվածքներ են քանդվել»,- ասել է նա: Նշվել է, որ ԵՄ-ն Ադրբեջանի ականազերծման մեծագույն կողմնակիցներից է։ «1990-ականների պատերազմից հետո մի քանի հազար մարդ է անհետ կորել, մեծամասամբ ադրբեջանցիներ, նաև հարյուրավոր հայեր։ Շատ ընտանիքներ մինչ օրս որոնում են իրենց մերձավորներին։ Այդ հարցը պետք է լուծել։ Վերջին մարտերից հետո մի քանի շոկային տեսանյութեր հրապարակվեցին, որոնք բոլոր հետաքննության կարիք ունեն։ Հուսով ենք, որ Ադրբեջանի իշխանություններն ուսումնասիրում են դրանք ամենայն լրջությամբ»,- ասել է Կլաարը։ Հարավային Կովկասում ԵՄ հատուկ ներկայացուցիչն ասել է նաև, որ Մինսկի խումբն օրինական գոյություն ունի և, թեև Ադրբեջանն ակտուալ չի համարում այդ ձևաչափը, կարևոր է, որ միջազգային հանրությունն օգնում է ՀՀ-ին և Ադրբեջանին խաղաղության հասնելու ճանապարհին։ Նա նշել է նաև, որ ՌԴ հետ կան կապի որոշակի կանալներ, սակայն պատերամն Ուկրաինայում շատ է դժվարացրել ՌԴ հետ աշխատանքը։ «Մենք տեսել ենք հայկական ժառանգության ոչնչացումը Նախիջևանում։ Դա չպետք է տեղի ունենար, դա չի կարող արդարացում ունենալ։ Նախկին գրավյալ տարածքներում եղել են ադրբեջանական գերեզմանոցների ավերումներ։ Դա իրավունք չի տալիս ոչնչացնելու հայկական ժառանգությունը։ Նախիջևանի և Ադրբեջանի մնացածա մասի միջև երկաթուղային և ավտոմոբիլային հաղորդակցությունը կարող է հաստատվել միայն այն դեպքում, երբ բոլորի համար պարզ կլինիւ, որ այդ ճանապարհներն անցնում են Հայաստանի ինքնիշխան տարածքով։ Ահա ինչ է համաձայնեցվել այստեղ ղեկավարների հանդիպմանը»,-ասել է նա։ Եվրոպական քաղաքական համայնքի գագաթնաժողովի շրջանակում Պրահայում հոկտեմբերի 6-ին տեղի է ունեցել ՀՀ վարչապետ Նիկոլ Փաշինյանի, Էմանուել Մակրոնի, Եվրոպական խորհրդի նախագահ Շառլ Միշելի և Ադրբեջանի նախագահ Իլհամ Ալիևի քառակողմ հանդիպումը, որի արդյունքում հայտարարություն է ընդունվել, որով կողմերը հաստատել են հանձնառությունը, որ ճանաչում են միմյանց տարածքային ամբողջականությունն ու ինքնիշխանությունը և համաձայնություն են տվել ԵՄ քաղաքացիական առաքելության տեղակայմանը ՀՀ-Ադրբեջան սահմանին, որի առավելագույն ժամկետը 2 ամիս է։ Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ «Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |