Ադրբեջանի ԱԳՆ-ն արձագանքել է Փաշինյանին՝ կրկին հիշատակելով «Զանգեզուրի միջանցքը»17 հոկտեմբերի 2022 - 14:53 AMT PanARMENIAN.Net - Ադրբեջանի ԱԳՆ-ն արձագանքել է ՀՀ վարչապետ Նիկոլ Փաշինյանի թվիթերյան գրառմանը, ըստ որի ՀՀ-ն Ադրբեջանի դրական արձագանքին է սպասում հայ-ադրբեջանական սահմանին 3 անցակետ բացելու հարցում։ «Հայաստանը պետք է դադարի պատրվակներ որոնել՝ խուսափելու համար Զանգեզուրի միջանցքն ավոտմոբիլային/երկաթուղային ճանապարհներին միացնելու իր պարտավորություններից, որոնք ստանձնել է 2020-ի նոյեմբերի 9-ի եռակողմ հայտարարությամբ։ Լավագույն քաղաքականությունը չէ առաջարկել ոչ իրատեսական տարբերակ՝ անտեսելով 20-ամսյա քննարկումները»,- ասվում է Ադրբեջանի ԱԳՆ հայտարարության մեջ, որը հրապարակվել է Twitter-ում։ Մինչդեռ հայկական կողմը մշտապես բոլոր մակարդակներով հայտարարում է, որ նոյեմբերի 9-ի հայտարարության մեջ Լաչինի միջանցքից բացի այլ միջանցք չի հիշատակվում և որ Հայաստանը միջանցքային տրամաբանությամբ ոչ մի հարց չի քննարկում։ Փաշինյանը Twitter-ի իր միկրոբլոգում գրել էր․ «Արդեն մի քանի ամիս է, ինչ շրջանառության մեջ է դրվել Հայաստանի կառավարության որոշման նախագիծը արևելյան Ադրբեջանի և Նախիջևանի միջև կապի ապահովման նպատակով հայ-ադրբեջանական սահմանին 3 անցակետ բացելու մասին որոշման նախագիծը։ Հայաստանի կառավարությունը սպասում է Ադրբեջանի դրական արձագանքին»։ Նախագիծը շրջանառության մեջ է դրևվել օգոստոսին ՀՀ ԱԱԾ կողմից, որով առաջարկվում է անցակետեր ստեղծել հայ-ադրբեջանական սահմանի որոշ հատվածներում՝ պետական սահմանով անձանց, ապրանքների և տրանսպորտային միջոցների անցումը կազմակերպելու և իրականացնելու նպատակով: Նոր անցակետերը նախատեսվում է բացել Գեղարքունիքի (Սոթք համայնքից դեպի ՀՀ պետական սահման M11 մայրուղի՝ ավտոմոբիլային), Արարատի (Երասխ համայնք՝ ավտոմոբիլային), Սյունիքի (Քարահունջ համայնքից մոտ 7,5 կմ հարավ, հարավ-արևելք Մ2 մայրուղի` ավտոմոբիլային) մարզերում հայ-ադրբեջանական սահմանի ուղղությամբ: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ԻՆԳՈ-ն ապահովագրել է Career Сity Fest 2K24-ը և ներկայանում է շուկայում առաջին՝ միջոցառումների ապահովագրման պրոդուկտով Ապահովագրության պայմաններն ընտրվում են՝ հաշվի առնելով յուրաքանչյուր իրադարձության առանձնահատկությունները Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել |