Զախարովա․ Զատուլինի և Սիմոնյանի մուտքը ՀՀ արգելելու մասով Մոսկվայի արձագանքը պայմանավորված կլինի Երևանի պատասխանով27 հոկտեմբերի 2022 - 17:43 AMT PanARMENIAN.Net - ՌԴ ԱԳՆ պաշտոնական ներկայացուցիչ Մարիա Զախարովան, արձագանքելով ՌԴ Պետդումայի պատգամավոր Կոնստանտին Զատուլինի և ռուսական RT-ի գլխավոր խմբագիր Մարգարիտա Սիմոնյանի մուտքը ՀՀ արգելելուն, ասել է, որ ՌԴ-ն դիվանագիտական ուղիներով դիմել է հայկական կողմին հաստատման և պարզաբանումների համար։ Նա նաև նշել է, որ Մոսկվայի արձագանքը և հետագա գործողությունները պայմանավորված կլինեն Երևանի պաշտոնական պատասխանով, գրում է ՏԱՍՍ-ը։ «Մենք դիվանագիտական ուղիներով դիմել ենք հայկական կողմին պաշտոնական հաստատման և պարզաբանման համար։ Մենք տեսել ենք նման հաղորդագրություններ, պաշտոնապես պարզաբանում ենք պահանջել՝ արդյո՞ք դա այդպես է և ինչի հետ է կապված։ Եթե այդ հաղորդագրությունները հաստատվեն, դա դժվար կլինի բարեկամական քայլ համարել, որը կհամապատասխաներ մեր հարաբերությունների դաշնակցային բնույթին։ Երբ պաշտոնական պատասխան ստանանք, կորոշենք մեր հետագա գործողություններն ու արձագանքը»,-ասել է նա։ Նա նաև հավելել է, որ ամենևին ցանկալի չէ ինչ-որ արհեստական առիթներ փնտրել առկա պայմաններում, երբ Արևմուտքը «ուղղորդված փորձում է ապակայունացնել իրավիճակը Հարավային Կովկասում, սեպ խրել Մոսկվայի և Երևանի միջև»։ Ավելի վաղ հայտնի դարձավ, որ ՌԴ ԱՊՀ գործերի, եվրասիական ինտեգրման և հայրենակիցների հետ կապերի հանձնաժողովի նախագահ Կոնստանտին Զատուլինն էլ. փոստով պաշտոնական նամակ է ստացել ՀՀ ԱԺ-ից, որով նրան իրազեկել են, որ իր մուտքը Հայաստան «անցանկալի է համարվում»։ Նա այդ քայլը վիրավորական է գնահատել։RT հեռուստաալիքի և «Ռոսիա սեգոդնյա» մեդիա խմբի գլխավոր խմբագիր Մարգարիտա Սիմոնյանը ևս հայտարարել է, որ իր մուտքը Հայաստան ևս արգելվել է։ Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսին Առաջին դասարանցիների հայտագրումը կսկսվի հունիսի 10–ից Այն կիրականացվի 3 փուլով Ադրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում են Վարչապետի աշխատակազմում անհեթեթ են անվանել Բագրատ սրբազանի՝ ՔՊ բարձրաստիճան անդամների` իրենց միանալու հայտարարությունը «Անհեթեթ է անդրադառնալ նման հարցադրմանը»,–ասել են աշխատակազմից |