Բեգլարյան. Ադրբեջանի հարձակմանը Կլաարի արձագանքը խորացնում է նրա հանդեպ անվստահությունը 6 մարտի 2023 - 14:30 AMT PanARMENIAN.Net - Արցախի պետնախարարի խորհրդական Արտակ Բեգլարյանը կոշտ է արձագանքել Կովկասի և Վրաստանի ճգնաժամի հարցերով Եվրամիության հատուկ ներկայացուցիչ Տոյվո Կլաարի մեկնաբանությանն Արցախում ադրբեջանական հարձակման վերաբերյալ։ «Կրկին Բաքվում եմ։ Բովանդակային հանդիպումներ եմ ակնկալում Ադրբեջանի ղեկավարության հետ` Մյունխենում հանդիպումներից հետո խաղաղ գործընթացն առաջ մղելու համար։ Մարտի 5-ին տեղի ունեցած մահացու հետևանքներով միջադեպն ընդգծում է կայունության և արդար խաղաղության հասնելու համար բանակցություններն առաջ մղելու անհրաժեշտությունը»,-գրել է Կլաարը։ Նա նշել է, որ ադրբեջանական հանցագործությանը Կլաարի արձագանքի պատճառով նրա հանդեպ անվստահությունն ավելի է խորանում: Այդ մասին նա գրել է Twitter-ի իր միկրոբլոգում։ «Իմ անվստահությունը/կասկածները Տոյվո Կլաարի նկատմամբ ավելի են խորանում՝ ադրբեջանական հանցագործությանը նրա ռեակցիայի պատճառով: Նա կամ սիրողական դիվանագետ է, կամ Ադրբեջանի կողմից ուղեղների լվացման տակ է, կամ կոռումպացված չինովնիկ է, կամ Եվրոպական արժեքների, շահերի և մարդու իրավունքների մասին շեղված ընկալումներ ունի: Բոլոր տարբերակների դեպքում փոփոխություններն անհրաժեշտ են»,-ասվում է գրառման մեջ։ Մարտի 5-ին ժամը 10։00-ի սահմաններում, ադրբեջանական զինուժի դիվերսիոն խումբը թիրախավորել և կրակ է բացել ոստիկանության անձնագրային և վիզաների վարչության անձնակազմի հերթափոխի մեքենայի վրա, ինչի հետևանքով զոհվել է ոստիկանության 3 ծառայող՝ փոխգնդապետ՝ Արմեն Մայորի Բաբայանը, մայոր՝ Դավիթ Վալերիի Դանիելյանը, լեյտենանտ՝ Արարատ Թելմանի Գասպարյանը: Եվս մեկ ծառայող՝ լեյտենանտ Դավիթ Աշոտի Հովսեփյանը, ստացել է հրազենային վիրավորում և գտնվում է հանրապետական բժշկական կենտրոնում՝ բժիշկների հսկողության տակ: Արցախի Հանրապետության պետնախարար Գուրգեն Ներսիսյանը հայտարարել է, որ տարածքային կորուստներ չկան՝ նման լուրերը սուտ են։ Ադրբեջանը հայտնել է 2 զոհի մասին։ Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ԱԺ նախկին պատգամավոր Ախոյանը կալանավորվել է ուրիշի գույքի առանձնապես խոշոր չափի հափշտակության համար Նախաքննությունը շարունակվում է Կառավարության շենքի մոտ ցույց է․ 3 բերման ենթարկված կա Նրանք բերման են ենթարկվել ոստիկանի օրինական պահանջը չկատարելու համար Փաշինյանը՝ սահմանազատման մասին. Տեղի ունեցածը համարում եմ մեծ հաջողություն Նա նաև կարևորել է, որ սահմանազատումն արվել է 1976 թվականի քարտեզներով Փոխվարչապետի գլխավորած հանձնաժողովի կողմից ապօրինի սահմանազատման վերաբերյալ հաղորդմանն ընթացք է տրվել Հաղորդումը ներկայացրել էր «Հայաքվե» նախաձեռնությունը |