Բաքուն հրաժարվել է Բրատիսլավայում Արցախի ներկայացուցիչների հետ հանդիպումից31 հուլիսի 2023 - 15:49 AMT PanARMENIAN.Net - Արցախի նախագահին կից հակաճգնաժամային խորհրդի նախագահ Տիգրան Պետրոսյանը ֆեյսբուքյան եթերում հայտարարել է, որ օգոստոսի 1-ին Բրատիսլավայում պետք է կայանար հանդիպում Լեռնային Ղարաբաղի և Ադրբեջանի ներկայացուցիչների միջև, սակայն Ադրբեջանը առանց որևէ բացատրության հրաժարվել է մասնակցությունից։ Նա նշել է, որ Մոսկվան այս պահին առաջարկում է գնալ Եվլախ հանդիպման, ինչը նա այս պայմաններում որակել է որպես «անարգանք ու ծաղր է», հայտնում է Aysor.am-ը։ Նա նշել է, որ Ադրբեջանն արդեն մի քանի անգամ է փորձում է պարտադրել, որպեսզի Արցախից մարդ գնա Բաքու «բանակցությունների»։ «Մենք բոլորս գիտենք, թե ինչ է այնտեղ կատարվելու, որևէ բանակցություն, երկխոսություն չի լինելու։ Այս ֆոնին Եվրոպան և ԱՄՆ-ն փորձ են կատարում հանդիպում կազմակերպել երրորդ երկրում։ Ամսի 1-ին պետք է տեղի ունենար հանդիպում, նախնական Սոֆիայում՝ Արցախի և Ադրբեջանի հասարակական կազմակերպությունների միջև։ Հետո, Ռուսաստանն այդ ամենը իմանալով, խաղի մեջ մտավ։ Փորձեց առաջ անցնել և ամսի 25-ին հանդիպում կազմակերպվեց Լավրովի հետ, որի ընթացքում նա մեզ կոչեց ազգային փոքրամասնություն, որն անընդունելի էր, ինչը ցույց տվեց ՌԴ այսօրվա իշխանության քաղաքականությունը։ Այդ ֆոնին ԱՄՆ-ի և Եվրոպայի միջնորդությամբ ֆորմատը փոխվեց և վաղը՝ օգոստսի 1-ին, Բրատիսլավայում պետք է կայանար հանդիպում Լեռնային Ղարաբաղի և Ադրբեջանի ներկայացուցիչների միջև, սակայն Ադրբեջանն առանց որևէ բացատրության հրաժարվել է մասնակցությունից։ Այս երկու օրը դրսի ներկայացուցիչները կժամանեն Երևան և որոշ քննարկումներ կլինեն։ Իսկ ահա Մոսկվան այս պահին առաջարկում է գնալ Եվլախ հանդիպման։ Այն պայմաններում, որ Ադրբեջանի կողմից առևանգվում է մեր հայրենակից Վագիֆ Խաչատրյանը, ՌԴ-ի նման պահվածը մեր նկատմամաբ անարգանք ու ծաղր է», - հայտարարել է նա։ Հուլիսի 29-ին որպես բուժառու ՀՀ մեկնող 68-ամյա Վագիֆ Խաչատրյանը առևանգվել է Հակարիի կամրջի մոտի անցակետում Ադրբեջանի սահմանապահ ծառայության կողմից։ Ըստ ԱՀ ՄԻՊ Գեղամ Ստեփանյանի` Խաչատրյանին և ԿԽՄԿ Ստեփանակերտի գրասենյակի օտարազգի ներկայացուցչին նստեցրել են «Նիվա» մակնիշի մեքենա, որը ուղևորվել է դեպի Հակարիի կամրջի ներքևի հատված, մոտ 10 րոպե անց «Շևրոլե» մակնիշի մեքենայով ԿԽՄԿ ներկայացուցիչը վերադարձել է «անցակետ», իսկ Վագիֆ Խաչատրյանը տարվել է անհայտ ուղղությամբ։ Ըստ վկայության՝ ԿԽՄԿ ներկայացուցչին ադրբեջանցիները հրելով դուրս են հանել մեքենայից։ Ավելի ուշ հայտնի դարձավ, որ առևանգված Բաքվի հիվանդանոցներից մեկում է։ Նրա գտնվելու վայրի մասին հայտնել է Ադրբեջանի ԱԳՆ-ն։ Նրան մեղադրանք են առաջադրել 1991 թվականի Խոջալուի Մեշալի գյուղում տեղի ունեցած դեպքերին վերաբերող մտացածին գործի շրջանակներում։ Խաչատրյանի՝ ադրբեջանցիների կողմից առևանգման փաստով Արցախում քրգործ է հարուցվել։ Վագիֆ Խաչատրյանի իրավունքների պաշտպանության վերաբերյալ դիմում է ներկայացվել Մարդու իրավունքների եվրոպական դատարան Ադրբեջանի նկատմամբ միջանկյալ միջոց կիրառելու պահանջով: Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | Պապոյան. ՌԴ դեմ ԵՄ պատժամիջոցները բացասաբար են ազդում ՀՀ տնտեսության վրա Օրինակ` խոսքը պղնձի հանքաքարի կամ ալյումինե փայլաթիթեղի արտահանման մասին է Շվեյցարիան Մարդասիրական կորպուսիր մասնագետների կգործուղի Լոռի ու Տավուշ Նրանք իրականացնելու են կամուրջների և այլ ենթակառուցվածքների ամրության գնահատում Սուրենյան․ Հունիսը ևս տեղումնառատ կլինի՝ հունիսի 7–ից Սև ծովից ցիկլոն կներթափանցի Նա նշել է, որ առատ տեղումներ կլինեն, բայց ոչ այն հաճախականությամբ ու ինտենսիվությամբ, ինչ մայիսին Ovio-ն ՀՀ հզորագույն Տվյալների մշակման կենտրոնի կիբերանվտանգությանն ուղղված լուծումներ է ներկայացրել CyberGEN 2024-ում Համաժողովը մասնակիցների թվով ամենախոշոր միջոցառումն է Հայաստանում |