Լոնդոնում պղծել են Հայոց ցեղասպանության հուշարձանը 9 նոյեմբերի 2023 - 17:57 AMT PanARMENIAN.Net - Լոնդոնի շրջաններից մեկում՝ Իլինգում, սեպտեմբերի 23-ին տեղի ունեցած բացումից 10 օր անց պղծվել է Հայոց ցեղասպանության հուշահամալիրը: Այս մասին X սոցցանցում տեղեկացրել է Մեծ Բրիտանիայի Հայ դատի հանձնախումբը: Նշվում է, որ հուշահամալիրի բացման օրը մի խումբ դիմակավորված ծայրահեղականներ հուշահամալիրի մոտ ծածանել են թուրքական դրոշները և ցուցադրել «գորշ գայլի» ժեստը՝ այդպիսով փորձելով ահաբեկել հայ համայնքին, հայտնում է Auroranews.am-ը։ «Գորշ գայլերի ժեստը նացիստական ողջույնի բարոյական համարժեքն է», - ասել է Մեծ Բրիտանիայի Հայ դատի հանձնախմբի նախագահ Անետ Մոսկոֆյանը: Իր խոսքով՝ հուշահամալիրի բացումից 10 օր անց այն պղծվել է վառ դեղին ներկով, իսկ «հուշատախտակի վրա զետեղված «Ցեղասպանություն» բառը քերծվել է, կարծես ինչ-որ մեկը փորձելիս է եղել ջնջել այդ կոնկրետ բառը», - բացատրել է Մոսկոֆյանը: «Անձամբ ինձ համար պատմությունը կրկնվում է։ Թուրքիայի և Ադրբեջանի միջև մեկ ազգ, երկու պետություն գաղափարը նշանակում է, որ ադրբեջանական ռեժիմը ցանկանում է ավարտին հասցնել այն, ինչ օսմանները սկսել են 1915 թվականին, և այն փաստը, որ Բրիտանիայում կան մարդիկ, ովքեր կիսում են այդ գաղափարները, մեզ ստիպում է վտանգ զգալ»,– ասել է նա։ Նշվում է, որ բարեբախտաբար, հուշահամալիրը վերահսկվում է տեսախցիկներով, և այժմ ոստիկանությունը ակտիվորեն հետաքննում է միջադեպը՝ որպես «ատելության հիմքով հանցագործություն»: Մոսկոֆյանն ասել է, որ ինքը «վստահ է, որ մեղավորները պատասխանատվության կենթարկվեն և կծառայեն որպես օրինակ»: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Բագրատ սրբազան․ ԽՍՀՄ ժամանակ էլ ճնշումներ եղան՝ եկեղեցուն ոչինչ չեղավ, բայց Սովետը չկա ու չի էլ լինելու Նա ասել է, որ Ամենայն Հայոց կաթողիկոսն օրհնել է շարժումը ոչ թե՝ առաջնորդել Վիվա-ՄՏՍ. Տեխնոլոգիական ժամանակակից լուծումներ՝ արդիականացնելու սահմանամերձ գյուղի ենթակառուցվածքը Սահմանամերձ Գոմքը Վիվա-ՄՏՍ-ի և Վայրի բնության և մշակութային արժեքների պահպանման հիմնադրամի ուշադրության կենտրոնում է 2015-ից Ադրբեջանցիները Շուշիի ավերված հայկական եկեղեցիների միջնամասում մզկիթ են կառուցում Նրանք փորձում են ամբողջությամբ փոխել քաղաքի հայկական դիմագիծը Պեսկով. Պուտինի և Փաշինյանի առաջիկա հանդիպումը սպասված է և անհրաժեշտ Հանդիպումը կայանալու է մայիսի 8–ին |