Զախարովա․ Երևանը Ղարաբաղի հարցով որոշումները կայացրել է ՆԱՏՕ-ի ազդեցության տակ 3 ապրիլի 2024 - 14:01 AMT PanARMENIAN.Net - ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ Հայաստանը Ղարաբաղի վերաբերյալ որոշումները կայացրել է ՆԱՏՕ-ի ազդեցության տակ, իսկ հայտարարությունները, թե իբր Մոսկվան ու ՀԱՊԿ-ը չեն օգնել Հայաստանին տարածաշրջանում իրավիճակի սրման ժամանակ, սուտ են։ Այդ մասին նա ասել է «Զվեզդա» հեռուստաալիքի եթերում։ Նա հավելել է, որ արևմտյան երկրներն առաջ էին տանում Լեռնային Ղարաբաղից Հայաստանի պաշտոնական հրաժարման թեման, իսկ ԼՂ բնակիչների իրավունքները ոչ մի կերպ չեն ամրագրվել կամ երաշխավորվել այն փաստաթղթերում, որոնք ստորագրվել են ՆԱՏՕ-ականների թելադրանքով։ «Բայց պաշտոնական Երևանն ասաց, որ այն ամենը ՌԴ–ի և ՀԱՊԿ–ի պատճառով են։ Ես ստի մեջ եմ մեղադրում բոլոր նրանց, ով քարոզում է այդ գաղափարն ու տարածում։ Դա ճիշտ չէ, դա սուտ է։ Այդ որոշումը պաշտոնական Երևանն ընդունել է Արևմուտքի հետ խորհրդակցություններից հետո։ Ես մեղադրում եմ ստելու մեջ բոլոր նրանց, ովքեր քարոզում և տարածում են ՌԴ և ՀԱՊԿ–ի մեղավորության գաղափարը ԼՂ հարցում Երևանի ընդունած որոշումների համար»,–ասել է նա։ Նա հավելել է, որ ՌԴ–ն ու նախագահ Վլադիմիր Պուտինը բազմաթիվ անգամ օգտագործել են բոլոր հնարավորությունները, քաղաքական և անձնական, կանխելու համար արյունահեղությունն ու լայնածավալ պատերազմը տարածաշրջանում։ «Գլխավորը հիմա այն է, որ Երևանը, տնօրինելով այս կամ այն տարածքը, գյուղերը, հիշի և պատասխանատվություն կրի իր որոշումների համար և այլոց վրա չբարդի սեփական սխալների համար մեղքը»,–ասել է նա։ Ադրբեջանը սեպտեմբերի 19-ին Արցախի դեմ լայնամասշտաբ հարձակում է իրականացրել՝ ամբողջությամբ զանգվածային հրետակոծության տակ առնելով երկիրը։ Արդյունքում մեկ օր անց՝ սեպտեմբերի 20-ին ԱՀ իշխանություններն ընդունել են ռուսական խաղաղապահ առաքելության հրամանատարության առաջարկը կրակի դադարեցման վերաբերյալ՝ համաձայնվելով Բաքվի պայմաններին՝ ՊԲ զինաթափում և Արցախի Հանրապետության լուծարում։ Սեպտեմբերի 24-ից արցախցիների բռնի տեղահանում է սկսվել, 100,000–ից ավելի մարդ է բռնի տեղահանվել Հայաստան: Ըստ որոշ տվյալների, Արցախում մոտ 40 հայ է մնացել։ Սեպտեմբերի 28–ին ԱՀ նախագահ Սամվել Շահրամանյանը հրամանագիր է ստորագրել ԱՀ լուծարման մասին, որը ուժի մեջ է մտել 2024–ի հունվարի 1–ից։ Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա Ամենաընթերցվողը բաժնում | Դիվանագետների համահայկական խորհուրդ․ Արտաքին քաղաքական ռազմավարության սկզբունքային փոփոխություն է պետք Նշվում է, որ Սահմանազատման և սահմանագծման գործընթացը պետք է բխի միջազգային իրավունքի հիմնարար սկզբունքներից Փաշինյանը կիրանցիներին առաջարկել է սկսել աշխատել ու համատեղ քննարկումների միջոցով լուծում տալ հարցերին Ըստ Նազարյանի, Փաշինյանն ասել է, որ սահմանապահները կագնեն, «կարող ա մի 7 օր անվտանգ ապրեք, 8-րդ օրը անվտանգ չլինի» Ադրբեջանում հայտարարել են, որ Ղազախի շրջանում ականի պայթյունից սահմանապահ է վիրավորվել Նշվում է, որ տարածքը, որտեղ տեղի է ունեցել դեպքը, հարում է այն հատվածին, որը «Հայաստանի հետ շփման գիծ էր» ՀՀ–Ադրբեջան սահմանին տեղադրվել է 35 սահմանային սյուն՝ նախատեսված աշխատանքների կեսից ավելին արվել է Նշվում է, որ երկու երկրների փորձագիտական խմբերի աշխատանքները շարունակվում են |