Բորել․ Ուժեղ, ավելի կայուն ՀՀ-ն նշանակում է ուժեղ, ավելի կայուն Հարավային Կովկաս 5 ապրիլի 2024 - 15:15 AMT PanARMENIAN.Net - ԵՄ արտաքին և անվտանգության հարցերով բարձր ներկայացուցիչ Ժոզեպ Բորելը՝ Բրյուսելում ՀՀ–ԵՄ–ԱՄՆ եռակողմ հանդիպմանն ընդառաջ հայտարարել է, որ Եվրամիությունը միավորում է ուժերն ԱՄՆ գործընկերների հետ՝ արտահայտելու «ամուր հանձնառությունը Հայաստանի ինքնիշխանությանը, ժողովրդավարությանը և դիմակայունությանը»։ «Ուժեղ, ավելի կայուն Հայաստան նշանակում է ուժեղ, ավելի կայուն Հարավային Կովկաս։ Մեր աշխատանքը միտված կլինի նպաստելու տարածաշրջանի բոլոր երկրների հաջողությանը»,–ասել է նա։ Անդրադառնալով ԵՄ-Հայաստան գործընկերության նոր օրակարգին, որը դեռ մշակվում է, նա ասել է, որ նոր օրակարգը կապահովի հավակնոտ տեսլականին ՝ խթանելով երկկողմ համագործակցությունն այն ոլորտներում, որոնք կարևոր են Հայաստանի համար։ «Մենք տեսնում ենք, թե ինչպես է Հայաստանը թիրախավորվում օտար տեղեկատվական մանիպուլյացիաներով ու միջամտություններով։ Մենք կաջակցենք դրանց դիմակայելու հարցում և օգնելու մարդկանց, որպեսզի իմանան ճշմարտությունը` բարելավելով տեղեկատվական գրագիտությունը»,–ասել է Բորելը։ Բրյուսելում մեկնարկել է ՀՀ–ԵՄ–ԱՄՆ բարձր մակարդակի հանդիպում ՀՀ վարչապետ Նիկոլ Փաշինյանի, Եվրահանձնաժողովի նախագահ Ուրսուլա ֆոն դեր Լայենի և ԱՄՆ պետքարտուղար Էնթոնի Բլինքենի մասնակցությամբ, որը Բաքուն «կողմնակալ, երկակի ստանդարտների վրա հիմնված» է որակել։ Բաքուն հայտարարել է, թե ԵՄ-ն և ԱՄՆ-ն այս դեպքում «պատասխանատվություն են կիսում Հայաստանի ցանկացած ապակայունացնող գործողությունների համար»։ ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ ապրիլի 5-ին Բրյուսելում նախատեսվող ՀՀ–ԵՄ–ԱՄՆ բարձր մակարդակի հանդիպումն անհանգստացնում է Մոսկվային, քանի որ «Վաշինգտոնն ու Բրյուսելը բացահայտ խոսում են դրա հակառուսական ուղղվածության մասին»։   Ուշագրավ Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը   Ամենաընթերցվողը բաժնում |  Վերջին լուրեր ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի  Չվերթը կգործարկվի արդեն հուլիսինԱդրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում ենՎարչապետի աշխատակազմում անհեթեթ են անվանել Բագրատ սրբազանի՝ ՔՊ բարձրաստիճան անդամների` իրենց միանալու հայտարարությունը «Անհեթեթ է անդրադառնալ նման հարցադրմանը»,–ասել են աշխատակազմից |
