Ռուբեն Վարդանյանի որդին՝ Le Figaro–ին․ Ապրիլի սկզբից շփում չկա, չափազանց անհանգիստ ենք 20 ապրիլի 2024 - 10:48 AMT PanARMENIAN.Net - Ռուբեն Վարդանյանի որդին` Դավիթ Վարդանյանն ապրիլի սկզբից մինչ օրս տեղեկություն չունի հոր մասին։ Այս մասին նա ասել է ֆրանսիական Le Figaro պարբերականին հարցազրույցում։ Նա հայտնել է, որ ապրիլի սկզբից իրեն ու մորը (Ռուբեն Վարդանյանի կնոջը,– խմբ.) արգելվել է ցանկացած շփում։ Իսկ հոր հացադուլ հայտարարելու մասին նա իմացել է միայն ապրիլի 18–ին` ռուս փաստաբանից, հայտնում է Sputnik Արմենիան։ «Ապրիլի 5-ից մենք բացարձակապես ոչ մի տեղեկություն չունենք նրա առողջական վիճակի մասին: Սա մեզ չափազանց անհանգստացնում է։ Հայրս 55 տարեկան է, նա արդեն 200 օր է` հյուծվում է Բաքվի բանտում, և սա այն բանից հետո, երբ նա, ինչպես Արցախի ամբողջ բնակչությունը, մոտ տասն ամիս գտնվում էր շրջափակման մեջ»,– ասել է Դավիթ Վարդանյանը։ Նա տեղեկացրել է, որ ադրբեջանական բանտում Ռուբեն Վարդանյանը չի կարողանում շփվել նաև իր հետ միաժամանակ անազատության մեջ գտնվող Արցախի մյուս պետական գործիչների հետ։ Վարդանյանը համոզված է, որ նրանք գտնվում են նույն կալանավայրում, բայց չեն կարող տեսնվել կամ խոսել միմյանց հետ: Վարդանյանի տեղեկություններով` Ռուբեն Վարդանյանին չի կարողանում տեսակցել նաև Կարմիր խաչը։ Նա հույս է հայտնել, որ եվրոպական կառավարությունների ներկայացուցիչները, սկսած Ֆրանսիայից, կկարողանան շուտափույթ այցելել ու ստուգել իր հոր և Արցախի մյուս բանտարկված գործիչների կալանքի պայմանները և առողջական վիճակը։ «Դա պետք է անել հնարավորինս արագ։ Քանի դեռ ուշ չէ»,– ասել է նա։ Ինչ վերաբերում է դատավարությանը, ապա այն պետք է տեղի ունենար հունվարին։ Դավիթ Վարդանյանը հայտնել է, որ այն հետաձգվել է մինչև մայիս։ Հիմա, ըստ նրա, մեծ է հավանականությունը, որ դատավարությունը կրկին կհետաձգվի։ «Կասկած չկա, որ պատճառն այն է, որ Ադրբեջանի իրավապահ մարմինները չեն կարողանում ապացույցներ հավաքել նրա դեմ առաջադրված շինծու մեղադրանքների վերաբերյալ՝ ահաբեկչության ֆինանսավորում, անօրինական կամ զինված խմբավորումների ստեղծում, Ադրբեջանի Հանրապետության սահմանի ապօրինի հատում»,– ասել է նա։ Ավելի վաղ հայտնի դարձավ, որ Բաքվի բանտում պահվող բարերար և գործարար, Լեռնային Ղարաբաղի նախկին պետնախարար Ռուբեն Վարդանյանը ապրիլի 5–ից հացադուլ է սկսել: Կարմիր խաչի միջազգային կոմիտեից հայտնեցին, որ չեն կարող տեղեկություններ հրապարակել Բաքվում պահվող հայերի մասին։   Ուշագրավ «Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում   Ամենաընթերցվողը բաժնում |  Վերջին լուրեր Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով  Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքըԿուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձություններըԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալԷրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |
