Թուրքիան Հայաստանի համար այնպիսի առեւտրային գործընկեր է, ինչպես տարածաշրջանի մյուս երկրները 3 նոյեմբերի 2009 - 12:58 AMT PanARMENIAN.Net - Թուրքիան Հայաստանի համար այնպիսի առեւտրային գործընկեր է, ինչպես տարածաշրջանի մյուս երկրները: Այդ մասին Երեւանում կայացած մամլո ասուլիսում հայտարարել է ՀՀ կառավարությանը կից Պետեկամուտների կոմիտեի պետ Արմեն Ալավերդյանը: Նրա խոսքերով, քանի որ Հայաստանն ու Թուրքիան ԱՀԿ անդամներ են, ապա Հայաստանը չի կարող Թուրքիայի հարցում կիրառել ինչ-որ այլ մաքսային կամ հարկային կանոններ: «Ինչ վերաբերում է մաքսային վարչարարությանը, մենք պետք է շատ բան անենք սահմանի մաքսակետերը բացելուց առաջ, այն է, պատշաճ մակարդակի մաքսային հսկողություն սահմանենք»,-ասել է Ալավերդյանը: Ինչ վերաբերում է որոշ մտավախությանը, թե թուրքական ապրանքները կհեղեղեն հայկական շուկան, ապա Ալավերդյանն ընդգծել է, որ հայկական շուկան այնքան ապրանք կընդունի, որքան կկարողանա: «Հարկավոր չէ վախենալ, թե Թուրքիայից ապրանքի հեղեղ կլինի: Նույնիսկ եթե լինի, ապրանքի ավելցուկ կառաջանա, եւ հետեւաբար, գները կնվազեն»,-ասել է նա: Արմեն Ալավերդյանը նշել է նաեւ, որ տարեսկզբից մինչեւ նոյեմբերի 1-ը մուտքերը բյուջե մաքսային եւ հարկային գծով կազմել են 427,9 մլրդ դրամ, ինչը անցյալ տարվա նույն ժամանակահատվածի համեմատ կազմում է 84 տոկոս: «Մուտքերը բյուջե նվազել են 16 տոկոսով, ինչը համաշխարհային տնտեսական ճգնաժամի հետեւանքն է»,-ասել է Ալավերդյանը: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Մայիսի 11–ին Երևանում անհնազանդության ակցիաներ են նախատեսված, հանրահավաք չի լինելու Սրբազանը հորդորել է մինչև մյուս ուրբաթ զրույցներ անցկացնել ՔՊ անդամների հետ Ալիև․ Սահմանազատումը մեր պայմաններով անցկացնելը մեր հերթական հաղթանակն է՝ 4 գյուղ ենք ստանում առանց մի կրակոցի Նա այդ մասին ասել է օկուպացված Շուշիում Սամվել Բաբայան․ Փաշինյանը վաղուց պետք է հրաժարական տար Բաբայանի խոսքով՝ գլոբալ, ռազմավարական պետք է որոշվի՝ ինչ ենք անում, որն է մեր նպատակը ՀՀ-ն ու Իսպանիան կգործակցեն սպորտի ոլորտում․ Հուշագիր է ստորագրվել Կողմերը կհամագործակցեն նաև մասնագետների, տեխնիկական անձնակազմի և փորձագետների փոխանակման շրջանակում |